[讓謊言與虛偽堆砌成我們的最後樂土]《終末後．新世界》: 07-空寂的街道

沙田的街道滿是死人，我們在「空無一人」……應該是說沒有活著的人的街道上前行。
「*……越來越臭。」阿俊說。
路邊的屍體漸漸腐爛，傳出刺鼻的腥臭味，使我露出厭惡的表情。
「臭到痴線……」我回應他。
「去邊食嘢好？」他忽然轉換話題。
「你係咪痴Q線……而家講呢啲嘢……」我嗆他。
「我覺得人有得食幾時都係咁重要。」他答。
我沉思了一會，答：「就去第一城食？」。
「M記？」他提議。
「你老*山長水遠去第一城食M記？」我反駁。




「咁去到決定囉。」他說：「我好奇仲有冇收銀員……」
「未去到點*樣答你呀？」
阿俊突然捧腹大笑。我狠狠地推了他一下，斥：「你係咪傻*咗姐？」
「我地好耐冇出嚟食。」他說：「結果出嚟嗰陣就已經世界末日。」
「可能係出咗啲事情……但未必係世界末日。」我說。
「你睇下我地兩條友咪乜事都冇仲生勾勾咁喺度。」我又續說。
人類文明不可能一瞬間就化為烏有，我嘗試自我安慰。
「一定仲有好多好多人，係冇事嘅。」阿俊說：「我地唔洗咁傷心嘅……」
「做咩講講下又講返呢啲事……」我苦笑起來。
這時，我停下腳步來，前面的一輛車裡的女人吸引了我的注意。




「你搞咩？有啲乜嘢？」阿俊見我不太對勁，問。
「大肚婆。」車的窗沒關，我清楚看見那個年輕的女人的手正捧著自己脹大的肚子，但已經閉上雙眼、一動也不不動。
我和阿俊呆愣在原地。
積雨雲此時終於下起雨來，就像為這個世界而悲泣。