十六歲但非處子身嘅女孩: 8.3 自責、內疚、悔意

喺臨入戲院之前，竟然俾我撞見智儀嘅男朋友出軌，我即刻攞起電話wts 智儀
「智儀今日情人節你有冇同你男朋友出街？」我首先冇單刀直入咁同智儀講，因為第一我驚我自己認錯人，第二我驚我直接講佢會唔信我
「冇呀，佢話佢今日唔舒服，所以我第二日先同佢補祝，做咩咁問？」智儀一見到我個message 就即刻秒覆我
「我而家喺apm 我好似見到你條仔，但係佢同令一個女仔一齊，不過可能係我睇錯啫」我言語中帶d 保守，唔想智儀太過崩潰
我影咗張相俾智儀佢親自確認

但係智儀佢只係已讀不回，之後落線，就冇再覆過我

「Anki，你唔好周圍走啦，我地要入場啦」Rick 手上捧住爆谷同汽水走過黎
「嗯，好呀」我一邊跟住Rick 走，一邊目不轉睛咁望住智儀嘅男朋友同嗰個女仔


「做咩？你見到熟人咩？」Rick 佢問我，佢見到我心不在焉嘅神情
「我見到智儀佢男朋友拖住令一個女仔，我同咗智儀講......不過佢已讀咗我就再冇覆過，我咁樣同智儀講佢可能會好傷心，或者接受唔到㗎，其實我係咪唔應該同佢講？」
我會唔會太多事？話唔定智儀一早已經知，只係唔想揭穿件事，唔想一拍兩散，其實我都睇得出，智儀真係好鐘意佢，我呢個多此一舉嘅行為令到智儀煩惱

「咦，佢地兩個同我地睇同一場戲喎」我地走入戲院，佢地兩個就正正坐喺我同Rick 嘅前面
喺套戲播緊嘅途中，坐我前面嘅黑影離開座位，嗰個人聽住電話行咗出去，如果我冇估錯應該就係智儀打俾佢
大概過咗十分鐘左右，佢先返入黎繼續睇

散場之後，我較返響部電話，發現我有30個未睇訊息，而全部都係由智儀send 過黎
我開wts 逐一逐一睇，全部都係千字文，佢打咗好多字俾我


我知道喺呢一刻，智儀係最需要人支持佢，最需要人聽佢訴苦，我好想幫佢，作為朋友我好想可以喺佢身邊陪住佢，但係我又唔可以掉低我男朋友唔理
今日係情人節，仲承諾自己一定要對佢更加好，我要補償返俾Rick ，我唔可以而家離開佢

「智儀佢點樣？頭先我見到個男仔都係拖住嗰個女仔走喎」Rick 佢都好關心智儀嘅事，我諗佢都係當八掛野咁聽啫
「佢send 咗好多message 俾我，佢而家好頹，我都諗唔到咩辦法可以安慰佢，唯有等佢冷靜一下先」情人節先搵d 咁嘅野黎搞，係我就成個人崩潰咗
「呢條仔出軌咁撚賤，要唔要都罷啦，飛咗佢啦，最睇唔撚起d 男人一腳搭兩船」呀Rick 嘅反應非常激動
佢行近個賤男到，氣勢凶惡，我即刻拉住佢，阻止佢
「做咩呀你？冷靜d 啦！」好彩我及時阻止咗Rick，如果唔係，今晚就會喺YouTube 到見到熱門影片「見義勇為男與出軌賤男隻抽」

「我真係好睇唔過眼，佢出軌之餘仲要若冇其事咁拖住第二條女出街，佢覺唔覺得羞恥㗎咩？」佢愈講愈激動，仲係背後指住黎鬧


「咁又關你咩事喎？你唔好咁衝動啦，我已經同咗智儀講，佢會處理佢同個賤男之間嘅事，人地嘅私事我地唔應該理咁多」我嘗試同Rick 解釋，希望佢冷靜落黎
「你又講得啱，人地嘅事我就唔理咁多，而家出軌嗰個又唔係你，你又咁錫我，點會出軌呢？」佢心中嘅怒火已經熄滅，仲露出甜蜜嘅笑容

但係我就正正俾佢講中，而家出軌嘅係我

我沉默，冇回答Rick 佢問嘅問題，我唔敢作任何回答，我唔夠膽掩住自己良心講野
「你做唔講野嘅？你平時一定好多野講，一定鬧爆個賤男㗎喎」Rick 再追問我多一次，佢都覺得我近排比較靜，不過我唔可以俾佢發現到咩破綻
「冇野，我只係擔心緊智儀佢會喊死啫，我都睇得出雖然佢同佢男朋友唔同學校，見面又比較少，但係佢都真係好鐘意佢，我唔想佢亂諗野，咁辛苦自己」

當然，我一方面就緊係擔心緊智儀，但大部分我都係擔心緊我自己嘅過錯
就連人地嘅男朋友出軌呀Rick 都可以咁大反應，如果俾佢知道我同Cyrus 嘅事，一定打交都似
一切都係我嘅錯，我唔可以俾佢知道我同Cyrus 扑過野，我俾綠帽佢戴嘅事

「Anki，你真係善解人意，智儀有你做佢朋友，佢真係安慰，有你做我女朋友，我更加幸福」佢用一個感恩嘅眼神望住我，而我真係冇福享受，消化唔到
「我都好感恩我有個咁專一，又凡事遷就我嘅男朋友」講完之後，我錫咗Rick 一下，我避開咗Rick 咁耐，我都好耐冇錫過佢