十六歲但非處子身嘅女孩: 13.1 我犯錯了

返到屋企，我放低書包，除低件校服裙，換咗件舒服嘅屋企衫之後行出客廳
「砰！」一聲好大聲由屋企廚房傳到去我間房，我小心翼翼咁行出房門，一步一步咁邁向廚房
而家5 點幾，照常理放咗學屋企都只係會得我一個人，唔通有賊？
我靜靜雞咁行去廁所，一時三刻都諗唔到可以用咩做武器，於是我求其攞起個地拖，行到去廚房前面

「嘩吓死人咩，做咩攞住個地拖呀？」原來係哥哥，佢由大學宿舍返咗黎屋企，頭上載住個head phone ，d 音樂大聲到連我都聽到
「你嚇死我就真啦，我仲以為有賊呀」我放低手上嘅武器
「點解你今日返咗黎嘅？冇留喺宿舍嘅？」我平心靜氣咁問哥哥
「冇呀，我個roomate 話有d 事要借間房用一晚，我見聽日朝早冇堂咪返黎囉」佢除低headphone，掛喺膊頭上面



哥哥離開廚房，行咗出客廳，成個大爺咁樣棟高對腳坐喺沙發，平時一個星期都可能見唔到一次面，今日佢突然出現，我反而有d 唔習慣
「哥，我可唔可以問你個問題？」我坐喺哥哥身邊，好嚴肅咁望住佢
「做咩事啊？」佢根本就冇望住我講野，淨係掛住望手機都唔理我

「如果俾你揀，你會揀個你鐘意嘅人定係一個鐘意你嘅人喺埋一齊？」我好單刀直入咁問，我唔再吞吞吐吐，我亦都唔想哥哥追問太多
「errrr......咁我揀個我鐘意嘅人啦，與其同一個你自己根本唔鐘意嘅人一齊，點解唔同個你鐘意又一齊舒服嘅人一齊啫，你同個唔鐘意嘅人一齊都係冇意思㗎啦」佢突然之間坐起身，放低部電話認真回答我嘅問題

而我就相反，即刻企起身，離開客廳衝咗入房「喂喂......呀妹....」就算我聽到哥哥對我嘅呼喚我都唔作回應
閂埋房門，打開電話，即刻用133 撥打俾啱啱見到我同Rick 一齊然後滿臉頹容嘅Cyrus



「你所打嘅電話暫時未能接通，請你遲d 再打過啦」...........
「呢到係9.....4..0...嘅留言信箱，請喺咇一聲之後留言或掛斷電話」
「你所打嘅電話暫時未能接通，請你遲d 再打過啦」..................
「此用戶已關機」
我打咗十幾次電話俾Cyrus，打到最後佢直程熄電話唔肯再接聽

今日當呀Rick 接我放學嗰陣，俾Rick 同Cyrus 碰口碰面嘅撞到正已經係我最唔想發生嘅事情，當前度遇上男朋友呢種尷尬嘅場面真係好難舒緩亦好難面對
說算嗰一刻我冇望見Cyrus 嘅樣，我心裡面都已經想像到佢心酸嘅表情，我好心痛
但同時我又好仆街，雙手明明擁抱Rick 但心裡面卻諗住第二個男人



我同時傷害緊一個鐘意我嘅人同我鐘意嘅人，我實在太自私
我唔想放棄Rick 但係我唔可以忽略Cyrus 嘅感受，咁做太委屈佢
作為一個出軌嘅女人，我係冇可能俾到任何承諾或者安全感俾另一個男人

我放低電話，求其喺衣櫃攞咗件T-shirt 同短褲就衝出門口
「喂喂.........呀妹，你去邊呀？」我離開屋企，豁出去落街行下，哥哥第二次叫停我，但係我都冇理佢

我載住head phone 行到屋企留下嘅公園仔
仲記得之前Cyrus 就係喺呢到講咗句令我不能自拔嘅說話，呢句說話令到我犯下大錯
我坐返喺我地之前見面嘅長櫈，合埋眼，回想返之前嘅所有事

Cyrus 係我初戀，當時我用盡所有辦法想忘記佢，所以我選擇咗個令人討厭同受人唾罵嘅辦法，就係同另一個一齊
冇可否應，我真係當呀Rick 係水泡，久而久之，我都開始自欺欺人，而我都開始習慣有Rick 嘅陪伴
一個花心嘅女人，完全唔值得有兩個男人都對我咁好



撫心自問，就算我同Rick 分咗手之後，我都冇可能同Cyrus喺埋一齊，我接受唔到
雖然我鐘意Cyrus，但同佢復合，我地由sp 同前度嘅關係變返做情侶嘅關係，我理解唔到，亦都做唔到
我而家同Cyrus 之間都係用性黎維持呢段關係，如果我地一齊，呢段感情都只係由性關係開始建立，一d 都唔健康，都好唔真實
我明白，情侶之間有性關係都係好正常嘅事，不過就係因為我太清楚Cyrus，我知道當我地一齊之後，我又會再次變成佢心目中嘅最後一位

佢永遠都會擺朋友、學業、家人、游水為先，女朋友.......喺佢心目中嘅位置都係最尾
我唔奢求佢會將我擺喺第一位，不過每次當我知道我要等，我要俾佢應酬完所有事同朋友最後先搵返我，先記起我
我真係好心灰意冷，每一次失望都係一種折磨，我承受唔到