我竟然鍾意左...！？: 第十八章(雯雯篇)

嗰一日，我仲好記得，係書展上俾我遇見左呢個男仔​。好似對我黎講係一個好重要既人，但總是想不起來...

眼前呢個同我掂住左同一本書既男仔，雖然有一種熟悉又陌生既感覺，但而家只需要知道，佢就係「我要搵既獵物」。既然搵到獵物，就當然要開始捕捉啦！但係俾呢個男仔眼甘甘望實都搞到我有點尷尬同怕醜...始終我都係個女仔黎啦..就係咁，我同呢個男仔展開了對話。

「係啦，難得遇上知音人，呢本書你買先啦，我到時再去書局搵下啦。」講左兩句左右，佢好有風度咁同我講，但我就係想同你再見面吖嘛！

「呢本書係出面已經好難搵到啦～不如咁啦，我地夾錢買呢本書，然後再每人睇一個月啦好唔好？但你當然要肯相信我唔係騙子啦，哈哈～」為左可以再同佢見面，我決定咁做。

呢個男仔都同意咁樣做，所以就應承左我。心裡面就梗係開心啦！搵左咁耐終於都搵到「獵物」啦！之後我地都自我介紹左，原來個男仔叫「阿明」～總覺得自己一早就識佢，但係目前最重要既就係完成任務！咩都唔好諗啦。



8月26日，即係書展後既一個禮拜，我已經睇完本書，但由於自己有份大學功課要做，所以最後就約左9月2日喺旺角比本書阿明。

不經不覺就到左9月2日，早到總比遲到好！所以我12點9就已經到左旺角，正當我出左地鐵，去左便利店買野飲既時候，排我前面既就係阿明。我拍一拍佢膊頭，向佢say hi，雙方都一定覺得好有緣份～講開先發現大家都未食野，所以我地就去左間譚仔食野。大家食下野，傾下計既時候， 阿明突然話有野送俾我，我望一望紙袋，入面係一條黑色連身裙。係我最中意既黑色！真係好靚，好鍾意，但身為女仔就當然要有返少少矜持啦～而且我識左啊明24小時都唔夠，所以我決定拒絕呢份禮物。

「其實係我覺得條裙好襯你姐，只要你鍾意就得啦。你唔好拒絕我份心意啦...」見到阿明臉上掛著一臉失望既表情，我都唔想阿明唔開心，同埋我諗到可以然後繼續見面既方法，所以我收左條裙。

「好啦...但係，下次你要俾我請翻你食飯！我唔可以白白收你份禮物！」我忍住自己開心既心情，因為條裙真係好靚，我超鍾意！

食完野，我地就去左書局行下，由於今晚約左大學班朋友去尖沙咀，所以大約4點半左右就返去地鐵站，而我同阿明搭唔同線，而阿明嗰邊既地鐵黎先，所以我地都要分開了。



「阿明，我講過我會請你食餐飯，有咩我地在電話講啦！反正你有我電話。同埋你平時搵我吹下水都冇問題架！掰掰」我向車廂內既阿明道。

閘門關閉，車廂開始移動，然後慢慢，慢慢的加速，最後離開了眼前的視線，而我，已經開始掛住阿明...當佢送份禮物俾我既時候，我，好似有著「心動」的感覺。亦開始給予自己一絲希望，「我，其實係咪唔一定要完成任務...？」呢邊既車廂都來到了，我倆就在不同的車廂上，向著相反的方向分開了.....