其實我今個暑假先搬去現在嘅屋企,所以我對呢一區零認識。我地上車嘅時候聽到阿晞同講司機講咗一個屋苑嘅名,佢話同我食個宵夜先送我返去。我無腦地相信佢嘅真心。

訓訓下阿晞就用隻手拍拍我頭頂叫我起身落車。一落車我又去咗個新世界。
呢個地方我完全唔認識。我深感不妙,今晚有機會出事。

「你帶我去邊呀? 我真心驚驚地喎..」我面帶微笑用半輕鬆語氣同阿晞表達我嘅不安
「唔好怕。我帶你去我讀書成日去嘅地方傾下計。」阿晞摸摸我個頭就拖住我隻手帶我去佢同啲朋友嘅"秘密機地"。

的士停係屋苑前面嘅的士站,而我地越行越入。我地穿過好多排單車,行過幾棟居屋或者公屋嘅樓宇。我越怕就拖得佢越實,同時我另一隻手已經係個斜孭袋入面準備好我由外國帶嚟嘅胡椒噴霧。



阿晞拖住我行上去後樓梯,行 5 層就到頂。
佢坐低係最高個格樓梯,拍一拍旁邊嘅位叫我坐低。

「仲驚唔驚呀你? 好驚我食咗你咩?」
「少少驚,不過呢度好涼爽好舒服」
「我以前讀書放學都會嚟呢邊同班friend吹下水,幾好嫁。我地無乜錢屋企又細,後樓梯已經滿足到我地。」佢講講下又開始張隻淫手放係我條腰度。佢輕輕推一推想我挨近佢個身。我無反抗,照劇本演埋落去。

「係喎! 我俾返頭先啲的士錢你啦!」我突然醒起頭先筆的士錢都幾甘下,家人亦教落出街要同人AA制。扮曬蟹巡例都要問一句嘅。點知阿晞嘅回答同反應係我無想像過。

「唔洗啦! 但係我想你俾第二啲嘢我喎」


「吓?你..」我都未講完句句子佢已經開始係我右耳吹氣,隻手無再放係我條腰而係變成雙手撐住上半身壓住我。我第一次面對呢種情境我只係鬼打場地不斷重覆「你停一停先!」同嘗試用手推開佢,當然我係不成功。不成功理由係佢挑起我嘅貪玩癮,絕對唔係我唔夠力。(利申: 運動人跑步游水劍擊打籃球都唔錯)

我係一個好追求新鮮嘅人,但愛情呢方面我從來都無乜突破。我同女仔拍拖嘅時候咩都點到即止。蜻蜓點水嘅吻,拖下手都怕俾人望,攬一攬就放手。男士請相信我,呢個世界 les 真係可以愛得好純潔。拖下手錫面朱已經足夠,個啲AV情節咩兩個女人玩69互奶其實比較少有,又或者我經驗不足無緣一試。都係個句咁想睇就上thisav啦!

阿晞由耳邊吹氣,慢慢錫落我塊面,到最後停留係我嘴唇上面。我無再講「你停一停先!」,我選擇用親吻去回答佢嘅需求。其實我係一個親吻新手多得呢個變態佬我先明白到濕吻嘅魔力同技巧。佢一掂到我個嘴就用條脷不斷進攻想撬開我把口。我只係守咗幾秒城門已經放棄,任由佢處置。我當時諗緊究竟濕吻係點嘅呢? 我係要乖乖地俾佢條脷係我口腔入面打轉定係應該用我條脷回應佢嘅熱情呢? 我最後選擇咗後者。我開始嘗試同佢條脷玩下追逐遊戲。由本來佢壓住我嘅身位變成我背脊挨住牆身,雙手攬住佢。而佢隻手就不斷係我上身下身遊走嘅同時佢繼續同我用嘴唇同脷打仗。當我嘗試反攻,佢就咬我嘴唇然後繼續侵佔我口腔。佢拉住我隻手引導我摸落去佢早已脹大嘅分身,呢個時候我就用另一隻手推開佢表示我唔想繼續落去。

「今晚去到呢度啦,我想返屋企喇。」
「嗯..我送你去的士站啦」佢眼神睇落似啱啱發完夢,神情有點不知所措。我就係咁賤,去到緊急關頭就叫人停。到依加諗返起我覺得自己好錯,點解當時咁貪玩差啲玩到出事。

行去的士站佢無再好似頭先咁拖實我,只係平排行。


可能因為啱啱又攬又錫,但依家行到離行離迾反差太大令我覺得尷尬。

「喂,你都幾勁喎!邊度學返嚟嫁?」我輕鬆地講想打破尷尬氣氛。
「前女朋友調教返嚟。你會唔會以後唔再理我覺得我好恐怖?」
「唔會嘅我今晚獲益良多,不過下次唔好再咁突然,錫之前俾啲提示我喎」我笑笑口咁回答

到咗的士站企咗一陣就有車。上車前佢攬咗我一下,望住我上車後就轉身行翻去好多排單車嘅巷仔。
個晚我不停咁回想起後樓梯失控嘅自己同佢,但卻忘記咗一開始放我飛機嘅柱男。

「對唔住,我無心失約嫁! 你俾多次機會我啦。」- 柱男

 
已有 0 人追稿