一回頭,只見是一個比我還要矮半個頭的老婆婆,但我卻見不到她的模子,因為她是陀背的。 這時,她轉向陳嘉儀那邊。

"你肯定佢就係果個人?"

陳嘉儀立即十分斬釘截鐵的點頭。

"肯定,佢一定就係。"

孟婆婆立即說,





"嗯,咁快啲帶佢入去,時間無多。"

然後她邊用柺杖指着士多後的那間小室。

"入去。"

我還是一頭霧水,我立即望着陳嘉儀說,

"究竟發生左咩事,你快啲同我解釋所有野先?"





但是她卻面有難色似的,她沒有回答我的問題,轉頭望向孟婆婆。

"孟婆婆,不如同佢解釋清楚先..."

孟婆婆很像有點不耐煩似的。帶點生氣的說,

"你唔係唔知佢係絕對唔可以知道自己嘅身份架!"

陳嘉儀立即說 ,





"但係佢有權知道自己有機會.... 唉! 孟婆婆,你係可以,將1個人嘅記憶洗走架,唔係咩?"

只見孟婆婆皺着眉...

"狄密特... 你知道個代價係咩架..."

陳嘉儀咬一咬嘴唇,點了點頭。

狄密特..? 孟婆婆是在叫陳嘉儀嗎? 陳嘉儀..是叫狄密特嗎..? 一時間,我只感覺到,這個世界,很瘋狂。

孟婆婆轉頭望着我,這一次,我終於望到她的眼,我身子震了一震.. 她的眼神,充滿着一種.. 我不懂得說出來,總之就是一種十分奧妙的感覺。

她冷冷的說,

"你係咪想知道,所有野?""






我立即點頭。 我如果再蒙在鼓裡,我覺得我會發神經,所有事情,也太難以解釋。孟婆婆續道,

"但係,你就算知道左,都唔會有用。 跟我過尼。"

我立即跟著孟婆婆走。 同一時間,只見身旁的陳嘉儀也沒有說話。我望着她,

"你叫狄密特? 咁即係.. 陳嘉儀去左邊。"

"我係狄密特,但同一時間,我都係你班入面果個陳嘉儀。 一陣間,你就會明。"


跟著孟婆婆一路走,到了碼頭邊,突然停着了。我立即打了自己兩巴。 眼前見到的事物,令我不敢相信自己是清醒。 孟婆婆緩緩地說。





"你無睇錯,係雲。"

只見眼前的碼頭,沒有了大海,只有一層十分大的大霧。空白一片。孟婆婆續道,

"呢度,唔係你地熟悉嘅長州,要用番你地人類嘅語言尼講.. 呢度係陰間。"

陰間...

陰間不是死人去的地方嗎...

那我是死了嗎……

心中一連串的問題.. 孟婆婆很像也聽到了。

"你未死, 不過如果聽晚審判大會之前,你仲未可以殺死阿瑞斯同埋阿波羅架話,你會比死更慘。"





這時,一直沒有說話的陳嘉儀突然開聲,

"亦都係只有你... 先有能力殺死佢地,同埋帶你嘅同學,離開呢度..."

我腦袋已經十分亂.. 一件比一件離奇的事發生 ,我完全搞不清楚現在的所有事情。

陳嘉儀是狄密特..
長洲是陰間..
我要殺人...

"咁我,係邊個。"

我望着眼前一片模糊的雲海,問出我最後一條問題。





孟婆婆望着我。 沒有答我的問題,但她眼中的慧光,卻像看透了我的心靈一樣...


我記起了,我記起了我是誰...

剎那間,所有問題,也有了答案。
已有 0 人追稿