(恐怖，血腥) 盂蘭節這晚，我們一行18人進入了陰間: Chapter 7 殺手遊戲 (1)

現在是11時35分， camp fire 剛剛結束。 大伙兒正圍成一個圓圈坐在沙灘上，用木柴堆砌出來的 camp fire 在眾人的中心雄雄的燒着。

這時莫家賢望一望手錶，笑着說。

"11點7啦，係時候到下一個節目啦喎。"

一旁大字型攤在沙地上的李泳潼嘆了口氣，說道，

"如果每一晚，都可以咁樣吹住海風 ，同你地傾計就好。"





我肯定，這晚之後，這句說話會成為她人生上最後悔的話，如果她仍然生存下來。

莫家賢笑了一笑沒有理會李泳潼的話，續道，

"咁而家，應該係全部人都會玩陣間個 game 架啦?"

大伙兒立即興奮起來，原本已經沉寂了的氣氛再次喚高。 黃樂希立即說，

"緊係玩啦，唔通訓較咩!"





他一旁的楊樂然立即說道，

"你把聲咁嘈，我係 killer 一定第1個殺你吖。"

莫家賢拍一拍手緩和了大家的氣氛，續說

"咁有冇人係唔識玩 killer 架。"

這時，年紀最大的霍sir很像有點尷尬的舉起了手。





黃樂希立即恥笑他，

"Killer 都唔識玩，有 generation gap吖。"

霍sir 皺着眉還擊說，

"吖叔落 disco 溝女果陣你仲係鴨緊尿片咋。"

黃樂希準備開聲還擊時，莫家賢立即打斷了他的話，說，

"咁好啦，反正個個人聽嘅版本都唔同 ，而家仲有時間嘅，我詳細講一次點玩呢個 game。"

聚人立即安靜起來，一刻間，周圍就只剩下海浪聲。

莫家賢從袋中拿了一盒東西出來，說，





"而家全部人再靠埋啲，"

大家立即縮成一個小圈，莫家賢高舉着手中的東西，火光下，原來是一副卡牌。 他說，

"呢副，係一副改左少少嘅塔羅牌，一陣間，所有嘅角色都會跟據番塔羅牌上面嘅圖案尼分配。 咁我而家首先講一講一陣會有嘅角色，"

他拿出了一張卡，卡上面 ，有一個男人騎着馬，

"呢一張係騎士，即將會係一陣間嘅殺手，
而一陣，只會有一位殺手。"

然後，他拿出了另一張牌，卡上面的圖案是一個穿着大袍的女人，

"呢一張係女皇，即係一陣間嘅醫者，都係只會有一位，"





然後，他再拿出一張圖着一個坐在皇椅上的男人，不說也知道是皇帝， 果然，

"呢一張係皇帝，即係一陣間嘅開眼者，都係得1個。"

接着的牌，是一個坐着戰車的男人，

"呢一張係戰車，即係處決者，只係得一位。"

最後的一張，是一位擔着木棍的女人，

"呢一張係愚者，即係平民，會係除左頭先所講嘅特殊功能者以外嘅所有角色。"


聚人聽後，也若有所思，我想這遊戲，似乎將會異常的刺激。 這時莫家賢給眾人傳閱剛剛的角色牌，先讓大家認好。 同一時間，他續說，





"介紹完所有嘅角色，我而家講一下每一個角色嘅定位同埋遊戲嘅運作方法。 首先講殺手，故名思義就係殺人嘅角色，每一晚閉眼嘅時候，殺手都會揀1個人將佢處死， 跟著到醫者，能力係可以救1個人，醫者可以揀1個人，令到果個人可以免疫殺手嘅處死一晚，唔會比殺手殺害，但係醫者唔可以揀自己。跟著係開眼者，開眼者嘅能力係 optional ，你可以揀開眼或者唔開眼，決定權係你自己手上，但若然你比殺手見到你開眼，咁你嘅下場就.... 應該都幾慘。 而所有人係閉眼嘅期間，無我嘅準許都係唔可以開眼，記住唔好犯規... 到左閉眼階段結束，所有人都可以開番眼，投票估出邊個係殺手，得票最多者，就要比處死開牌，但若然開牌者唔係殺手，遊戲就要繼續，如是者，遊戲直到殺手比人投票殺死，或者所有人都比殺手處決至結束... "

所有人也仔細的聽著莫家賢的解說，

"你味講處決者喎，"

文卓玲提出，

莫家賢立即笑了一笑，說，

"差啲唔記得講，處決者可以係開眼皆段嘅時候直接處決一個人，若然佢處決到殺手，咁遊戲就會結束，"

我想了一想，問道，





"咁若然處決者並唔係處決殺手呢?"

莫家賢托一托頭，說道，

"處決者只有一次嘅處決機會，如果佢處決錯人，咁樣處決者同被處決者會同一時間死亡。"

說到死亡2字的時候，我不知道是不是我的錯覺，我見到莫家賢詭異的笑了一笑。 我突然想起陳嘉儀的話，望一望天空，只見烏雲盡散，明月高照。

莫家賢收回所有角色牌，開始洗牌。

"殺手遊戲，開始。"

殺戮，即將開始