你最近還好嗎?: 第一章－接觸

第一章－接觸

「你可唔可以做我女朋友啊？」
．．．
「嗯？」我再問。
「……好啊！」


鈴鈴鈴－




「頂，又發夢。」計埋今次，今個星期第５次FF。
今日番新學校，間學校應該都唔錯既，只係又要識過新同學，又要自我介紹，
麻煩到死，一陣黎個冇睇頭既老師就真係ＧＧ…
換過一間學校，換果個人生，估唔到我人生會有得改寫。
「我叫范梓俊，大家多多指教。」入左一班女多男少既班，我坐係一個叫鍾明政既人旁邊，我地兩個係班上唯一兩個男仔一齊坐既。
人人都叫佢做鍾少，因為佢有錢喎。咁我都識入鄉隨俗既，鍾少咪鍾少囉。
「喂！新同學，我叫徐皓晴，你可以叫我徐晴咖，大家順口叫開左，你呢，你有冇咩花名咖？」
前面個女仔叫徐皓晴，女班長，個個人都好鐘意佢。
係既，呢種類型唔多唔少係有FF空間既。但太主動既女仔對我不利


「冇…冇啊，不過我唔鐘意人叫我全名囉。」
「咁我可唔可以叫你啊俊啊？」
「可以啊。」
當徐皓晴另轉番個頭既時候，佢條辮同我既距離好近，
好香啊。我望住佢頸後面，有幾條頭髮太短扎唔起，淺啡色既頭髮，我相信佢一定冇染髮，100%天然。
我望到好入神，
「喂，你咁快就對我地女班長起痰？我地呢到個個人都鐘意女班長咖喎。」鍾少破壞我欣賞女班長既美。
「你唔好聽佢講啦啊俊，邊係人人都鐘意我喎。至少鍾少唔係啦。係呢，你有冇女朋友啊？」
「我隻左手囉。」我開左個下流既玩笑。
「等我介紹你識啦，我鍾少人面咁廣，你想要咩類型丫？」


「高ling咁既你有冇先？」
呢個時候，鍾少既手錶鬧鐘響。
「徐晴夠鐘食藥啦。」
我一臉迷茫，
「我係長期病患者，要食藥控制病情。」
我聽到之後有少少同情，一個咁可愛既女仔又點解咁慘呢…