大家好呀,我叫陳宇誠,今年升上中四入咗班精英班,入到li班好處就係讀書風氣好過普通班好多,而壞處就係裏面都冇咩人玩得,因為入得去既都應該好重視成績,咁我咪要慢慢好似佢哋咁沈迷讀書!?唔得,我一定唔可以咁做......
「鈴...鈴」望一望個鐘,原來已經7:30,今翅仆街鳥,學校7:50分就計遲到,如果開學第一日就遲到好似有D柒,然後用咗5分鐘搞掂哂就9秒9衝出門口,然後諗住飛的翻去,當我望到仲有3分鐘而仲差一個路口就到既時候個心都冇咁緊張,點知,個車突然剎一剎,然後我睇出面原來有個自己學校幾靚既女仔趕住翻去然後衝燈,當個司機問候緊佢全家既時候我落車扶個女仔翻學校,近睇個女仔真係好靚,眼大,又有身材,根本就係女神,好彩翻到去啱啱好50分,送完個女仔去醫療室,自己就跑翻上去,當我跑到入去既時候發現開始點緊名,同個呀Sir點完名之後就坐係個死黨呀威隔離,傾咗陣之後,啱啱整親既女仔入咗嚟我哋班房,然後聽佢哋人講先知原來佢係我哋級女神曉琳。
「威哥條女jeng唔jeng?」
「屌你啦,人哋唔jeng就唔會做到級女神啦」
「你啱wo,不過係你心目中,都係嘉恩最jeng㗎啦(嘉恩係呀威個女朋友)」
當呀威想應我既時候發現全班都望住我哋兩個,我發現原來我哋傾得大聲咗D,真係好尷尬
「sorry呀咁多位同學,下次我哋傾計會細聲翻D㗎啦」
然後全班不屑咁望住我,屌又柒咗

《輸了你贏得世界又如何-輸了你贏了世界又如何》
已有 0 人追稿