好快就到聖誕,而我學校既傳統就係學生會負責當日聖誕聯歡會既活動,雖然年年都活動大多數都一樣,高form就睇Talent Show,低form就睇Sing Con,但係我哋都要約出嚟開個會分工,我係內閣個wts gp打咗句「聽日放學SU室開會傾Xmas」
過咗冇耐已經差唔多全部人都覆ok,只有曉琳冇覆,我想inbox問佢既時候,發現佢冇咗個Icon,我諗佢應該block咗我,「算啦佢都block咗我,咁我都係唔好煩佢喇,聽日佢鍾意嚟就嚟,唔嚟就算」然後打陣機就訓咗
第二朝一訓訓到8:00,OH SHIT,
「喂,家姐幫我請假吖,訓遲咗」
「Ok,下晝記住翻」
打完個電話俾家姐之後繼續訓,一訓訓到11:00,發現呀威打過俾我,然後又wts我,
「周文豪翻咗嚟,佢老母同老豆都嚟咗學校,佢哋係A班門口係咁叫你出嚟,我哋話你冇翻,然後佢哋話你係咪驚,所以唔敢翻,之後校長上嚟趕走咗佢哋,宇誠你自己小心D,佢哋應該唔會就咁算。同埋下晝你翻唔翻,如果翻既話幫我買是但買個飯翻嚟吖」
睇完wts之後我覺得冇咩嘢,反正佢哋都唔會搞到,hea多陣就換衫翻學。翻到去校長搵我,
「宇誠你知唔知今朝有家長嚟搵你?」
「我知。」




「咁你想點做?」
「有咩點做吖,唔通我同條廢柴道歉?先聊者賤打死無怨。」
「咁我明喇,宇誠小心D,唔好咁衝動,你係學生會會長,你係代表緊學校㗎,如果仲有事發生就直接嚟搵我啦,你依家可以走啦。」
一上到班房,俾咗個飯呀威食就直接去4B班搵周文豪,「垃圾豪,出院喇?記唔記得你要做D咩?依家快D去喇,廁所冇咩人吖,唔駛驚比人笑啦」
「屌你老母,點解你咁都可以做學生會會長?咁撚仆街既人我都係第一次見。」
「你理撚得我點解做得學生會會長吖,願賭服輸,快D去廁所聞尿兜啦」佢仲係冇郁到
「唔好要我再重複多次」講完見佢唔郁,就去咗搵呀威個D過嚟B班,然後叫囂,最後呀威個堆人抬佢去廁所,然後我偷偷地用IG開直播,個live最後有15個人睇,再加埋我哋級既男仔,相信li件事聽日全校就會知道。繼續下晝個D堂我都係訓教,一訓就訓到放學,訓到呀威叫我落去我開會先醒,落到去開會,曉琳果然冇嚟,大家都問駛唔駛等埋曉琳,
「佢鍾意嚟就嚟,唔嚟就唔好嚟,唔駛等佢,開始會議,文書準備好紀錄……」就係咁開咗兩個鐘會分好哂工就走,走既時候見到芷晴,同佢順路就一齊走,去到門口既時候發現一男一女係度望住我哋,
「宇誠佢哋就係周文豪既父母,佢哋應該係等你放學,小心」
「驚春咩,行啦」




我哋係佢哋面前行過,突然有人叫我,我哋望去後面,發現佢哋跟住我哋後面,然後一巴車咗落去芷晴到,
「陳宇誠,我要你感受下自己重要既人受傷既滋味」
佢哋仲想打,我捉住佢隻手,「你哋試下打落去,我可以擔保你個仔唔會只係入普通病房,係入深切治療部。」我好認真咁講,結果佢哋都係打咗落去。
「芷晴對唔住,最衰都係我啦,如果唔係......」
「你咩都唔駛講,你只係答我,你係咪諗住搵佢?」
「係......」
「你應承我唔搞出人命得唔得?」
「ok...」
之後我就送咗佢翻去,翻到自己屋企既時候,我打咗俾一個好耐冇傾過計既人
「喂......」





《二百年後再一起 應該不怕旁人不服氣-命硬》
已有 0 人追稿