[新手]兵都可以做將軍: 十五.聖誕(四)

個夢入面，我見到呀媽係度寫緊信，呀爸係度打緊文件，佢哋好似見我唔到，然後呀嗎寫完封信就將封信擺咗係佢哋既床頭櫃最底個格，
「希望佢兩姐弟唔好咁快睇到封信，當佢哋睇到封信就證明佢哋遇到麻煩野」
「到時佢兩姐弟識自己解決架啦，我對佢哋兩個好有信心，特別係宇誠，將來公司就係交比俾佢架啦，而我都相信泳茵會幫佢幫佢細佬」
「望就咁望啦」去到li度我訓醒咗，第一時間係揾封信，結果真係有li封信
「泳茵宇誠，當你哋睇到封信既時候，我諗我同呀爸都已經唔係度啦，唔知依家你哋幾多歲呢？Anyway，你哋兩個係咪遇到麻煩呢，如果唔係都唔會睇到封信啦，定係你哋兩個咁叻自己揾到封信出嚟？無論你哋係有麻煩定係自己揾封信出嚟，媽咪都想同你哋講，有時候做人唔一定要有仇報仇，除非人哋逼到你哋冇路走，如果唔係你哋都唔好還手，有時候以德報怨，都好過有仇報仇，但係如果個個人咄咄逼人既話，你哋就要還手啦，媽咪留低咗十億俾你哋兩個用，我相信你哋會識得用個十億架啦，但係你哋點都要記住唔好持住自己有錢就可以到處蝦人呀。同埋你哋兩個一定要管理好公司，唔好冇咗間公司呀！愛你既媽咪」睇完封信眼開始有D淚水流出嚟，點解呀媽一早已經預定自己會好快死同埋估到我哋兩個將來會遇到麻煩，然後影咗張相俾家姐睇，家姐只係覆咗句「我一早睇咗啦，只係個陣你先F1所以冇俾你睇，驚你持住自己有錢就蝦蝦霸霸」
我覆佢「頂你啦」覆完佢之後就赴約，約咗班學生會既幹事出嚟食飯，順便講多次Christmas Party大家既分工。
我約佢哋7:30係上次選舉完食飯既酒樓等，然而我訓醒既時候已經7:00，由我屋企去學校附近要15分鐘，我睇完信，wts完家姐就隨便咁著件Champions Hoodie，牛仔嬲，一條牛仔褲，加對vens就出門口，標準頹廢look。結果遲咗5分鐘到，一去到就見到全部幹事到咗，而周文豪都嚟咗坐係曉琳隔離，
「宇誠，文豪話佢冇屋企翻，所以佢跟埋我哋嚟食，得唔得？」曉琳好驚咁問
「得，點會有問題呢，話哂佢都係因為我而冇屋企翻」當然啦，後面個句我冇講出嚟
同樣地，今次大家都叫咗酒飲，曉琳飲咗一半就醉咗，我就叫咗周文豪出嚟




「知唔知點解你會冇屋企翻？」
「係咪又係你做既嘢？」
「聰明，今朝你老豆老母被我個friend捉咗，然後我係佢哋面前收購周氏電訊公司同埋要佢哋離開香港，留你係香港被我玩」
「你真係好撚仆街，點解你要咁做」
「因為個陣你行過嚟聊我，我唔玩翻你，點對得住自己。仲有曉琳同咗我表白，如果我同佢講你哋屋企已經冇錢既話，我相信佢會離開你，你都係做好心理準備啦」
「陳宇誠，你好嘢」
同佢講完之後，同樣地都係擺低錢就送曉琳翻屋企，今次佢醉得比上次勁，一路都冇出聲，直到到咗曉琳屋企樓下
「宇誠，係咪你送我翻嚟？」
「係呀，你以後都唔駛同周文豪一齊啦」
「點解？」




「我做咗D嘢，令到佢哋屋企冇哂錢啦」
「你做咗D咩？」
「秘密，遲D有機會同你講吖」
送咗佢翻上去，我就翻屋企，翻到去沖個涼就訓，準備好迎接聽日既Christmas Party。

《仍會期望 你仍然或者需要我-護航》