《當世界剩餘最後一小時》: Ch.1

戲院內，
一個一直暗戀住對方嘅男孩，他按捺到劇情的高潮情節，正正是男女主角面對災難仍堅持在一起，不願拋棄對方，女孩子感動得偷偷地拭乾眼淚，此時，男孩子終於鼓起勇氣向對方表白，「其實......我......我一直好鐘意你！你願唔願意接受我！」，她沒有回應，男孩唯有把身體對向女孩座位重覆，女孩子才緩緩轉過頭來，輕聲細語地說：「傻瓜，我等咗你好耐啦，你終於肯表白啦咩，我幾怕你一直唔表白。」「吓？原來你都鐘意我......咁點解唔同我講？如果你一早講，我哋就可以早啲開始，唔洗大家估下估下，我就唔會約你出嚟睇呢套戲。」女孩輕撞男孩手腕：「邊有女仔表白㗎！再講，衰咗點算喎，我又唔知你會唔會想玩我先對我咁好，遲同早都無所謂啦，因為我信你會陪我行過每一段路。」他們互相依靠着對方，欣賞著戲中男女之間的愛情。

「喂，如果真係有咁嘅災難，你會唔會保護我？」

「會啊，但必要時我會令你死先。」

「你夠膽講多次？」

「我唔想你親眼見住我死又救唔到我，個種感覺太無力同痛苦，我情願令你早死，呢種感覺就由我去承受啦。」





然而，他們到最後一刻亦不會知道，電影終結之時，也是生命盡頭之時。