《塵埃落定》:https://www.youtube.com/watch?v=yPNFWHoJHLo
《遙吻 - HINS LIVE IN PASSION 2014》:https://www.youtube.com/watch?v=pH6FW379gy4
《靈魂相認》:https://www.youtube.com/watch?v=PZSp9mTgx6E

————————————————————————

青年把母親帶到小公園作暫時安置,因為時間有限,他唯有趕緊出發,去找下一個對象。

青年約定她到彼此第一次約會的地方,這次的對象正是青年的初戀。





雖不能天長地久,卻能牢記一輩子。
這,大概就是初戀的感覺。

「好耐無見,你過得好嗎?哎唔得,再嚟!咦,無見咁耐,靚咗又瘦咗喎!好浮誇啊!唉......點講先最好。」青年為與初戀見面而感到緊張無比,不斷思量最適合的開場白。

此時,她來了。時間的沖刷下,她一改過去的純真無邪,換來了成熟認真;以往堅持素顏的她,今天卻打扮艷麗;昔日愛青年的她,早已移情別戀。

「多謝你係世界末日前都肯見我,熊穎詩。」

「自從分開之後都好耐無見啦,陳家俊。」





緊張的心情下,青年回憶起當年初次邀約她時也是心亂如麻,想給予她最好的印象。今天同樣心亂如麻,但彼此的關係已經起了變化。

「你記唔記得呢度係咩地方?」家俊主動開腔道,穎詩禮貌地微笑回應:「點會唔記得,呢度係我哋以前成日秘密拍拖嘅地方,每次都係老地方老地方咁叫。估唔到過咗咁耐,呢度一樣無乜太多變化。」

一早就變咗啦,就例如你同我。

家俊想把這句衝口而出,卻不夠膽量重提這段無法結果的感情。因為自己還未能夠豁達地放開關係,不過他還是要好好面對,不然,這一輩子再也沒有機會了。

「時間無多,我就直接咁講啦。其實我今次揾翻你,係想講對唔住,曾經咁樣hurt你,其實我自己個心都好痛。





因為我自卑,因為覺得自己襯唔起你,所以我就特登對你冷淡,希望你因爲咁而心死。

記唔記得我話過,我好鐘意聽張敬軒啲歌,尤其係《塵埃落定》,入面句歌詞:『如愛夠老實為何自欺 如愛夠偉大為何自卑 如自問未能容許抑鬱不理 不要再說喜歡你』

同你拍拖先發現,你嘅朋友圈當中都係讀書勁、好有錢、有家底。當時嘅我只係一個孤兒仔,雖然你話唔介意我家庭背景同厭我窮,同我拍拖係因為鐘意我性格。

我有時想請你食好啲都做唔到,永遠只可以AA制,甚至要你請,我真係過唔到自己心理關口,更加會每日諗我同你到底有冇前途可言,你身邊咁多荀盤,唔可以因爲我而破壞你未來幸福。不過我都好努力咁同自己講,唔會嘅,我同你一定行到落去,直到永遠。

如愛夠老實為何自欺?

但事與願違,我每次同你拍拖出街都覺得好自卑,總係覺得其他人都係度對我指指點點,我完全襯你唔起。當時你仲邀請我去船P,個度嘅人全部係你啲有錢朋友,我去到個邊只係識得陪笑,見到你同佢哋講同玩得咁開心,我就知自已比唔到咁好嘅嘢你。

如愛夠偉大為何自卑?





你值得更好啊!係你身邊嘅唔應該係我!
你可能會諗拍拖咋喎,但我諗嘅係長遠......」

「夠啦!唔好再講落去......」穎詩以顫抖的聲音打斷他,家俊注意到她的眼淚悄悄地從面頰滑下來,須臾之間,他想不顧一切的抱緊她,遺憾的,他已失去了這身分。

家俊忍淚的逕自繼續,「對唔住,我一定要講埋落去,我記得你嗰時仲同我講,大家畢業完就一齊旅行,其實我又點比得起咁貴嘅錢?我話唔好啦,你應該同朋友去,廢事佢哋話你重色輕友,你話唔緊要呀,你會去兩次,一次同我,一次同佢哋。我好想講我唔夠錢去,我居然自卑到連承認自己窮嘅勇氣到無。

𣊬間,我就知道,我無資格再去愛你。

如自問未能容許抑鬱不理不要再說喜歡你

所以,我唯有扮對你冷淡,你憎我、恨好都好,只要唔好記住我,揾過其他人好過我就得。」

現實前被迫安份才戒掉了閃縮掛念總算立地頂天





「點解......點解你要講事實比我聽,我情願自己憎你一世,我都唔想自己原諒你,你知唔知我呃我自己憎你一世㗎!但你都要到最後一刻走翻出嚟......

你知唔知,你同我分手個陣,我一直都聽住張敬軒首《遙吻》,『如果有限期 可以拋低你 我會一生也學習拋低你』,我無諗過,我會咁愛你,甚至鐘意到唔識點樣放低你,你只係我初戀,但點解會令我咁牽腸掛肚?我個心真係好痛好痛......」穎詩慢慢跌坐,抽淚起來,家俊亦難忍淚水及顧慮,上前抱緊她。

明知得到你 都要知道怎放下你

「我呢幾年都遇過令我心動嘅對象,每次想同佢哋有更進一步發展嘅時候,我總會諗翻起你,我根本無忘記過你!你一直都係我心入面無走過出嚟,我好後悔好後悔當初咁蠢,點解要咁對你!我哋重新開始啦好唔好呀?最後一個鐘!比我擁有埋你最後一次!」

穎詩輕輕推開家俊,苦笑著:「太遲啦,係我最傷心難過嘅時候,有人教咗我聽張敬軒呢另一首歌《找對的人》,『你遇過的心動人物 有生一天總找對了 是對的終於會碰到 是錯的不管再美好』,我明白到雖然我好鐘意你,但既然你決意離開,我都無謂折磨自己,可能你真係唔係我嘅唯一。」

家俊想反駁,再勸說她時,察覺到那毫不起眼卻閃耀動人的婚戒,咽哽道:「我都有聽啊。」他輕哼著:「空出的左手,你荒廢無名指,永遠有隻戒指可配襯。」

她邊拭淚邊回應:「命運總係鐘意玩人,又點會估到佢先會係我主角,有時候,失去某啲人,就係要遇上重要嘅人。對唔住,我要翻去啦,

多謝你到今日都愛我,




對唔住到今日我愛佢。 」


「如果有下世,可唔可以應承我,只係做我女朋友、做我老婆?」

「有下世嘅,我一定會拖實你,唔比你再離開我。」㯋詩停住腳步,以令人難以捉摸的語氣回覆。

「無論今生定下世,我都一樣咁愛你。」

她沒有回應,繼續往踏上歸家之路。

此時一別,下世再會。

我的最親
知否此刻這靈魂契約他生




尋辦法提前時辰向你步近