一場人生

五年前,喺我岩岩考完DSE等放榜嘅時候,係我最自由自在嘅時間,覺得人生好似如釋重負咁可以係天空自由自在飛翔,可以做自己鍾意做嘅嘢,例如:打機,打波同睇下動畫咁。

呢種生活簡直係天堂般嘅生活,不過唔知係快樂嘅時光過得特別快定係快樂不知時日過,在我稀薄嘅記憶中,由考完DSE等放榜嘅時候,我啊媽就不斷催促我出去搵書讀同搵嘢做,當然我梗係想扮唔知啦,但係冇可能扮聽唔到啊媽講嘢,於是我就用哂我嘅哂渾身解數連王浩信同方皓玟嘅拖字闕都大派用場,雖然我拖左差唔多一個月,甚至呃啊媽話要等埋成績出先可以報學校(事實上唔係),但係喺偉大母親大人嘅威逼下,我點都要搵返份Part time工打發下時間同打發下啊媽(<--呢嗰先係重點)。

問題就嚟啦,岩岩初出矛廬嘅我根本唔知到可以搵啲咩工,加上我讀書又好差,真係冇咩筍工可以撰。經過我一番思考後,我得出幾個可以選擇既答案,分別係地盤,餐飲業同倉務,之後我都係放棄左做地盤,雖然人工高,但係好辛苦,我有時候都幾佩服地盤工人可以咁捱得,,咁刻苦耐勞,不過俗語講到一分耕耘,一分收穫係岩嘅。言歸正轉,我之所以搵Part time 工只係為左打發下時間(打發下啊媽).,所以求其搵份工亦無傷大雅。