望山的女孩: 第五章-道歉

第五章~道歉！


在之後的休息時間，我一直想鬧佢。

但佢唔知係咪知道我既企圖，一直避開我嘅視線範圍。唔通真係冇彎轉？唔通我同她嘅友誼關係就咁完咗？Sorry，我冇想過呢啲野。

我淨係覺得自己好慘，被人玩完都冇一個正式嘅道歉，我嘅心情就好似佔中示威者一樣，得不到任何有誠意的方案是不會罷休嘅。

你會話，等陣上堂都道得歉㗎姐。



……………………

我夠想啦。

但係我呢D乖學生，點可以上堂唔聽書㗎！

而且，更重要的是：係堂上搵她道歉係一個極度傷我自尊和容易傳緋聞嘅事嚟咖嘛！（又一神邏輯啊！難道在休息時間找她就不傷自尊
和不易傳緋聞了嗎？抱歉打斷大家，繼續……）



結果到休息時間最後的最後，我終於在圖書館的暗角前找到她了。她跪了在地上，樣子好像哭過。不過我也理不了這麼多了，直接去
吧！

我：「喂！」

詠芝笑着說：「做咩啊羅賓叔叔？」

嘩！我識咗你大大話話幾個月，我都唔知你識快速變臉，睇黎我要小心啲啦！

我單刀直入：「其實，你啱啱係未喊過黎呀？」



我來找她是為了八卦麼？不是吧！

詠芝低下頭，細聲地應了我一聲：「嗯。」

我：「其實發生咩事啫？我唔會講出去㗎！同男友鬧架？」喂，錯哂啦！你黎叫她向你道歉㗎咋！

詠芝：「我點會咁快有男朋友啊！！咪玩啦！！」

我：「咁做咩事啫？」

詠芝：「你估下！」

你講就講啦！你係都要人估黎估去既。



我：「唔講咁我走㗎啦！」

好一波引誘，我就睇下你忍唔忍到唔同我講

詠芝：「………………」

......竟然真的忍住了。

望着她落寂的背面，我不禁覺得自己好衰。點解有機會都要放棄？人地叫你估，你咪估囉！可能估估下真係中呢！唔試過又點知啫！或者我估估下，佢忍唔住話俾我聽呢！

邊想着這些事邊走回課室，真係好………………咪住先，我醒起樣野呀！喂，你仲未道歉呀！