望山的女孩: 第七章-考試（下）

第七章~考試（下）

正所謂「出門遇貴人」，第二朝返學就被我遇到校花芷嘉。BTW，其實佢住我屋企附近…………

芷：「喂，羅賓Sir。今日考你個科喎，可唔可以俾啲Tips先？」

我：「我既tips就係寫作唔好寫英文。」

芷：「車，唔想俾咪唔好俾囉！,」



啫係咁……次次就算我唔俾tips你，你都考第一㗎啦！

但我身為老師，又唔可以咁答佢喎！

講起上黎，我以前都咁樣問過我個中文老師……

我：「啊Sir，你俾考試貼士啦！」

師：「一日為師，終身為父。人生是沒有貼士的，所以考試係冇貼士㗎！」



好句，我就用呢句答芷嘉啦！

我：「正所謂：一日為師，終身為父…………喂，芷嘉！」

你個死人頭芷嘉，竟然趁我唸野既時候走咗返課室。不過唔緊要，反正等陣我就係上芷嘉班既留校溫習課，儘管走吧！哈哈哈哈…對唔住。講返先，留校溫習課就如其名，這課的目的是要同學利用考試與放學之間的一段空檔時間温習第日既考試內容。

一旦接近芷嘉所屬的精英班，我就要步步為營、放輕腳步。雖然這班叫精英班，但精英之處是演技，聽說他們一聽到有老師來就會隱藏
自己的惡行。我立志代替正義，所以我一定要看看他們的行為有多惡。

一開門，我震驚了。他們的演技冇我想像的厲害，但惡行則比我想像的大。D人出哂位，然後吵到乜咁，芷嘉一反常態地比較靜……



突然，我望到了…胡子堅在調戲女同學。

又到講背景的時候了，胡子堅是個多口的人…………完。

我：「喂，你做咩騷擾女同學呀？」

堅：「啊Sir，你睇錯啫。」

啊，唔通真係我睇錯！

我：「不管了，温書吧！」

在這樣一個「安靜」的地方，我又回想起了舊時的我……………………



詠芝笑道：「喂呀，唔好咁啦！」

詠芝：「至多我今次中文合格，我就為你送上我的……肉體啦！」

我：「下？仲講野，溫書啦！」

詠芝：「乜你真係咁想得到我既肉體咩？」

我：「........」

係咁㗎啦！你想我有咩反應啫！

最尾出黎個結果，我不負眾望拿了全班第一，而詠芝也不負她望地fail了。

然後我就被她以一副「我一早話咗㗎啦」既表情望了一整堂。



我當時真係好想講返句「望咩呀望，未見過靚仔呀？」。

之不過我呢一個斯文有禮的好學生又點可以講啲咁粗俗既野呢，所以最尾我淨係同伯母打咗兩次招呼咋…………

嘩，我既思緒返黎既同時，原來已經打咗放學鐘。

我：「各位同學，再…………？？」

奇啦，點解會冇哂人既？

你班人渣竟然趁我回憶既時候走哂，連一句Bye Bye都唔講，冇人性呀你班人。