望山的女孩: 第十三章-實習老師（中）

第十三章~實習老師（中）

「好啦，解散。」

校長既說話總可以將人既思緒拉返黎……

再一次成功擺脫咗呢班騎呢怪之後，我就返到黎一間中學入面最混亂既地方~教員室……

我入到黎，已經有不少同事走過黎恭喜我……



我：「嘩！你地做咩走黎恭喜我啊？」

全體同事：「你就好啦！有多一個人幫你分擔工作。」

我：「……」

我真係哭笑不得！我希望多一個人，唔會加重我既工作，跟手做埋我既負累啦！

呢個時候，有個人輕輕咁拍拍我膊頭。我心唸會咁樣拍我膊頭，應該係嗰個實習老師啦！



我：「你實習既時候，記住唔好激怒校長。如果唔係，你就大鍋啦！」

？：「有幾大鍋啊！」

咦，男人聲黎既？而且，呢個語氣？！死啦！

我擰轉我個死人頭，定睛望下眼前呢個人……

婆你呀麼！真係校長………………



校：「傑賓，入黎校長室！」

我懷着忐忑既心情，入左校長室......

校：「喂，傑賓啊！連你都被實習老師搞到咁煩，我真係過意唔去……」

我見佢唔講野，唯有點頭示意，請佢繼續講落去啦！

校：「辛苦晒啦！……咦，時候都唔早啦喎！羅Sir，麻煩你帶實習老師上去2D班自我介紹啦！」

我：「哦。」

其實比起個實習老師嚟緊教學上會遇到既難題，我而家既麻煩根本算不上甚麼。

我：「呢度就係啦！」



詠：「唔該晒羅Sir！」

係入去之前，我專門睇咗下佢地既反應。果然同平時冇咩唔同，旁若冇人…………

一推開道門…………冇錯，同頭先係冇分別㗎。

我：「靜一靜先，咁多位同學。呢位係……」

之後……又係自我介紹

我仲專登睇咗一堂。點知佢話咁快就同班友仔熟晒，唔洗我擔心。仲好……

我係度唸，其實……咁樣好咩？我淨係知道，我突然間多咗好多空堂啫！咁有咁多空堂做咩好？？補充嗰啲被球賽奪去既睡眠囉！



講講下，我已經瞓着咗啦……

話說……當年既中文老師感覺係咪同我而家一樣呢……一句講晒，以前既野真係愈唸愈開心。

[從來人們都要懷念過去，但不會有人再用回從前的方法處事……]