「相公, 果邊山坡之處頭先我見到有啲山豬野免出現, 咁不如一陣我地就過去狩獵一番, 等到飽肚之後, 我地就再行出發離開呢度囉!」 「好主意喎, 咁就等我地同佢再玩多一陣之後, 跟住就叫大力佢地準備開始生火……」
 
斷左手嘅麟角怪人見到咁, 個心即時就氣到暴跳如雷, 「可惡, 居然會有啲咁嘅招數, 好, 就等我比啲真正實力你地睇吓!」 怪人暴喝一聲, 五隻手指甲同十隻腳趾甲即時就緩緩伸長, 甲頭好尖, 而且仲呈現紫黑之色, 似乎甲內係帶住劇毒咁。
 
龍飛同丹娜正輕瞄一吓, 但見怪人已經發難而上, 一個跳上半空動作, 怪人就正張牙舞爪咁就向住二人進行猛烈攻擊。
 
二人心意相通, 知道帶有劇毒不宜埋身肉博抖纏, 二人內勁同時暗儲, 一聲暴喝, 龍飛先以瞬雷不及耳嘅速度重掌擊向怪人身上, 繼而丹娜再以劍氣直射向怪人額頭之處。
 


掌劍齊轟, 怪人即時飛彈而去一命嗚呼, 跟住好快, 怪人嘅屍首就好似垃圾咁比人掃埋一二便。
 
龍飛同丹娜好快就狩獵左啲小動物番黎, 眾人正在生火烤調, 而龍飛眾人亦正邊食邊傾住偈, 菁菁先問, 「小柔, 我想問….妳地仲有無打算會再繼續上京而去架?」 菁菁係擔心自己處子之身已破, 但就驚住小柔話會繼續堅持而去。
 
小柔講, 「菁菁, 既然而家都搞成咁, 睇黎我地都係去唔到京城入宮架嘞, 不過我就有樣野擔心, 就係….堂伯果便, 我驚比佢知道我地最終都無去到京城, 到時唔知佢會唔會……」
 
八叔開口講, 「小姑娘, 今早妳朋友講左妳地黎呢度目的嘅時候, 我就已經放鴿出去搵人問過究竟, 呢, 剛才信鴿番黎已有消息, 話嬴政經已得悉此行途中發生左好多事故, 而且更知有人正想藉此機會黎刺殺皇帝, 所以嬴政已經立命話要全力追查個究竟!」
 
龍飛同丹娜即時諗到同一樣野, 「丹娜, 仲記唔記得尋晚黑衣人所講?」 丹娜點一點頭, 「無錯嘞, 尋晚響屋頂度, 有個黑衣人同我地講, 話殺人幫會嘅首領其實就係震丸鏢局嘅吳總鏢頭, 而今次同行之中發生左咁多事故, 亦係震丸鏢局啲人嘅所為!」
 


「係呢八叔, 我地已經唔可以再繼續上京, 但如果我地要折返青島市, 想問我地有啲咩方法先至可行咁呢?」
 
八叔又抓左把鬚一吓, 「你地一陣可以沿住河邊一路向住東南方向而行, 去到天津港後, 再到一間叫八旗洋船搵一個叫做來福嘅人, 而我亦就會飛鴿傳書預早通知佢會幫你地就得架嘞, 但有一件事我想托你地幫我嘅!」
 
龍飛好恭敬咁問住八叔, 「八叔有事即管吩咐, 如我地能夠做倒嘅話, 就算係赴湯蹈火, 都會係在所不持嘅!」
 
八叔笑住講, 「件事其實好簡單, 你地就只要幫我帶呢個錦盒親手交比來福佢就得架嘞, 但要記住, 盒內嘅物件係十分之重要, 所以你要緊記小心保管至好呀!」