[武俠甜故] 古裝武俠有味巨著 - 鐵血丹飛: 第三十章 - 計劃失敗

 
眾山賊被趕走左之後, 好快趣, 村內眾人亦都要各自番到屋內就枕, 而街上好快亦已回復到一片死寂。
 
龍飛同丹娜行番到茅屋之處, 見各人仍在昏睡之中, 但各人氣息總算正常, 似乎只需待迷煙效力散去之後, 明早各人都應該會無咩大礙。
 
已到夜深, 龍飛同丹娜亦都已經疲倦不堪, 房內, 龍飛正輕拖住丹娜隻手, 「娘子, 而家我有能力可以保護倒妳, 妳放心, 以後無論我地嘅路係幾咁難行, 我龍飛話過永遠都會留響妳身邊照顧住妳嘅!」
 
丹娜望住龍飛, 一向強桿嘅佢, 呢一刻聽到龍飛咁講之後, 堅硬嘅心即時就變得軟弱無力起黎, 好快, 二人亦已返到床上同時進入夢鄉之中。
 


京城內, 一間豪華客棧廂房之內, 有一男一女正響房內, 男嘅正一身霸氣咁坐住響度沉思緊, 而女嘅就好似罸企咁響房內一正瑟縮顫抖住。
 

 
窗外突然飛左一隻紋身麻鷹入黎去到呢個男人之處, 麻鷹正在呱呱咁嘈, 而個男人就好似識得聽隻麻鷹講野咁。
 
見個男人眉頭一皺, 「唏, 殺左我咁多人, 而家成班人就話想走, 嘿, 無走咁容易嘅!」男人正用純正鷹語黎同隻麻鷹交帶完一輪之後, 跟住隻麻鷹好快就再飛番出去窗外。
 
門外響起叩門聲, 跟住就見一個陰陽怪氣嘅女人型男子正緩緩咁行到入房內, 女人型正手揸住把紙扇恭恭敬敬咁同個男人講。
 


「吳總鏢頭, 呢次就真係大事不妙嘞, 我收倒消息, 嬴政原來已經知道有人要刺殺佢, 所以而家佢正封哂全城嘅關閘黎進行調查呀!」
 
吳總聽到後即時大力拍左張檯一吓, 「豈有此理, 一定係有人走漏左風聲!」
 
女人型同瑟縮一角女子見吳總咁嬲, 即時嚇到個心有啲寒寒地。
 
吳總再繼續講, 「今次到黎, 仲諗住以入宮之事黎刺殺嬴政, 但點知途中就比果班人令我損兵折將之餘, 而家仲驚動到嬴政要派人黎圍捕我地!」
 
女人型見吳總嬲到姑姑咁聲, 跟住就再講, 「照咁睇黎, 入宮之事已經就此作罷, 咁啦吳總鏢頭, 今次我地嘅計劃似乎已經胎死腹中, 事到如今, 睇黎我地都要盡快離開京城呢度先為上策!」
 


女人型望吓企在一角嘅女子, 而吳總亦瞄到女人型雙眼嘅方向, 「斷魂, 幫會咁多人之中, 我最信任果個就係你……」
 
女人型斷魂唔知吳總到底想講啲咩, 「吳總鏢頭……」
 
吳總無再繼續, 見佢開始緩緩咁企左響身, 跟住就再拍左斷魂個膊頭一吓, 「佢已經再無利用價值, 今晚就任由你去處置, 明天一早我地就要準備起程出發離開京城!」
 
吳總講完之後, 跟住就頭都唔回就行左出去房外之處, 斷魂開始露住奸笑, 而瑟縮女子望到斷魂咁樣就嚇到雙腳正在發軟。