眾人食過齋菜之後, 亦係到左要離開嘅時候, 一眾村民正響村口度守候住眾人準備夾道歡送, 其中一個小女孩正喊住口咁拉住丹娜黎講, 「姐姐, 妳地唔好走啦…嗚…嗚…嗚….!」
 
丹娜跪響小女孩面前, 「小妹妹, 姐姐同朋友都需要返家, 不過妳唔好喊, 如果下次有機會我地再途經此處嘅話, 姐姐應承一定會再黎探望妳地嘅!」
 
小妹妹繼續喊過唔停, 但佢媽媽就氹住小妹妹黎講, 「小欣唔好咁啦, 姐姐佢地真係要走架嘞!」
 
終於, 眾人亦要離開小村之處繼續上路。
 


沿途上, 大力同小柔講, 「唉, 小柔, 人大左就真係無鬼用, 尋晚做做吓居然都可以瞓得著嘅!」
 
小柔亦講, 「係囉, 我又係咁, 比你搞搞吓之後居然亦都瞓著左, 不過好衰架, 咁難得先有個地方可以比我地咁做, 但就我地就居然掛住瞓覺, 我唔理呀, 下次我要你同我再做夠兩次先得呀!」
 
眾人繼續沿住河邊向前行住, 兩個時辰之後, 好快前面就已經到達左天津港嘞。
 
天津港內, 龍飛等人正依八叔吩咐四處搵緊一間叫八旗洋船嘅地方, 眾人響又問又搵嘅情況之下, 終於, 一間掛住八旗洋船牌坊嘅舖頭就已經響眾人眼前出現住, 龍飛等人開始步進入內。
 
「麻煩你, 我地黎係想搵一個叫做來福嘅人!」 一個呀伯聽到之後, 「哦, 你地係想搵老闆呀, 咁請等一陣先啦!」
 


眾人四圍望住咁黎等緊嘅時候, 好快, 一個高大兼滿面英氣嘅男子就已經行緊出黎, 「各位你地好, 昨日我已經收到家師嘅飛鴿傳書, 相信你地應該就係佢老人家所講叫龍飛嘅人定嘞!」
 
龍飛亦禮貌地合十回應, 「在下正是龍飛!」 來福再講, 「龍兄弟有禮, 昨日家師信中已經提及龍兄弟需船返回青島市, 而且家師仲提及龍兄弟應該係會有個錦盒需要交付比我….」
 
龍飛聽到咁, 即時就遞上錦盒比來福, 「來兄弟, 師尊嘅錦盒就正在此!」
 
來福接過錦盒之後, 見佢正緩緩咁打開錦盒黎睇, 跟住好快來福就再同龍飛講, 「龍兄弟, 船隻安排需時, 不約龍兄弟你地先行到舍後稍事休息, 待我安排好船隻之後, 跟住我先再叫龍兄弟你地上船起程吧!」
 
眾人跟住來幅去到後舍, 哦, 後舍居然會係一處四合院嘅地方咁, 四周地方環境清幽, 樹木小草零星地遍佈住每一處角落, 眾人此時正感覺到有種說不出嘅舒泰感覺, 眾人行到中央露天之處, 來福突然停左腳步, 見佢雙手翹後咁開始慢慢地轉身。
 


來福正詞嚴義正咁同龍飛講, 「龍兄弟, 剛才錦盒之內家師有命, 若然你地能夠打贏我嘅話, 咁我就會幫你地安排船隻返回青島市, 否則, 所有嘅人今日就要全死在此處!」 眾人聽到之後即時大驚。
 
龍飛等人無法相信帶來嘅錦盒居然會係催命符, 只見來福正默默地注意住眾人。