[武俠甜故] 古裝武俠有味巨著 - 鐵血丹飛: 第三十六章 - 大軍殺到

 
好明顯, 來福此番比鬥似乎係刻意未有傾盡全力, 天空中, 一隻紋身麻鷹又再響天空之上盤旋住, 似乎好快, 吳總鏢頭就會知悉龍飛等人嘅所在之處。
 
傍晚, 來福著人準備晚飯比眾人享用, 而書房之內, 來福正凝望住牆上嘅一幅妙筆丹青, 畫內係一個清麗脫俗嘅年青女子, 而此女子就正是來福惦念多年嘅逝世妻子。
 
來福心內正想起日間同丹娜對望果刻嘅一剎那, 而果種感覺就正正同畫中亡妻嘅感覺一模一樣。
 
夜深時份, 眾人已經各自回到房內, 而響其中三間廂房之內, 此刻正又再隱約響起男女之間嘅悶叫, 呻吟, 喘氣同啪啪之聲, 而在最尾嘅房間之中, 龍飛此時正攙扶住丹娜, 正響房間之內行到出黎亭園之處, 但二人就見來福正呆呆獨坐響亭園之處觀天之中。
 



 
龍飛嗌住來福, 「來兄弟!」來福望吓二人之處, 「龍兄弟, 姑娘所受嘅傷已經無咩大礙吖嗎?」 「來兄, 呢位係我娘子丹娜, 內子不材, 剛才比武之時只怪內力不及來兄, 所以致令身受內傷, 但經來兄療傷同服過藥之後就已經無咩大礙架嘞!」
 
丹娜無望到來福, 而龍飛就再繼續講, 「係呢來兄, 估唔到你年紀輕輕, 內外功夫都已經有咁高造藝, 八叔果然真係名師出高徒呀!」 「龍兄見笑, 龍兄亦見掌拳雙絕, 但觀乎你內功深厚, 但就似乎仍未懂得靈活運用, 龍兄似乎都要多多加把勁呀!」
 
丹娜開始出聲, 「飛, 我地過去果邊坐!」 一句冷冷說話, 來福就覺得有啲不是味兒, 天蒼蒼, 夜茫茫, 來福呢晚再見丹娜嘅時候, 心頭之內突然又再湧現左一種好親切嘅感覺, 好似, 真係好似, 來福正響度自言自語。
 
「唉, 容兒, 如果妳唔係早登極樂嘅話, 我估我地而家都已經兒女成群, 每日都能夠過住開心快活嘅日子嘞!」
 


距離八旗洋船五里之外, 一群駿馬正快馬加鞭咁衝住黎緊, 為首嘅吳總鏢頭, 正帶領住一眾高手經已逐漸迫近八旗洋船嘅所在之處。
 
龍飛同丹娜正靜靜咁坐響月色之下, 龍飛同丹娜講, 「娘子, 來福此人宅心仁厚, 佢之所以傷及妳無非都係要依從八叔嘅吩咐, 況且佢根本就無傷害我地之心, 娘子, 我希望妳能夠體諒來福佢嘅一片苦心!」
 
丹娜何嘗唔知道來福在比鬥之中根本就係故意留力承讓, 但一向自小剛強嘅佢, 就總係唔識得點去表現體諒別人, 「飛, 過埋今晚, 我地終於都可以離開此處, 其他嘅野我唔想再討論落去!」
 
三間房內, 眾人正仍繼續肉博住之際, 八旗洋船門口不遠之處, 一大群駿馬經已聚集響馬路中心之上, 見其中一匹馬上嘅女子, 正拉住弓箭就向住八旗洋船門上牌坊之處瞄準。
 
茅箭一吓勁射, 八旗洋船牌坊即時就應聲斷開兩截咁跌到地上, 屋內龍飛等人聽到門外嘅一聲巨響, 跟住眾人就已經進入緊急戒備狀態之中。