衝勢好快, 但吳總就正氣定神閒咁望住呢個強弩之末正在以卵擊石, 右掌正在暗自儲勁, 正要向丹娜作出最後嘅迎面一擊, 丹娜已經衝到上前一聲大喝, 「受死啦!」
 
吳總經已提掌準備殺敵, 但冷不防, 丹娜居然突然一個急速轉向而繞到去吳總嘅身後, 丹娜跪到地上準備提棍就刺, 但吳總亦唔係省油之燈, 好快, 一個轉身, 丹娜嘅手腕就已經被吳總緊緊咁拑制住起黎。
 
巨掌正準備擊殺住丹娜之際, 但見丹娜正在微笑左一吓, 跟住同時手指就已經按掣準備, 一吓縫聲沉響, 距離吳總身前不足半米遠嘅鐵棍, 突然之間一吓暴射就伸長而彈出, 一條十六截長嘅鐵棍正猛然不偏不倚咁就貫穿住吳總小腹之處直插到身後而出, 重招已中, 吳總即時放開丹娜隻手腕不住地後退。
 
但見吳總定過神後, 弊, 鐵棍雖已貫穿身體, 但就似乎未能插中要害, 見吳總依然可以挺住鐵棍咁昂首而企, 盛怒中嘅吳總已經開始將勁力運行全身, 「豈有此理臭婆娘, 今日我唔將妳千刀萬斷嘅我就誓不為人!」
 


圓型白色氣勁已響吳總掌心凝聚住, 而坐響地下嘅丹娜, 見剛才一記重擊仍然未能即時殺敵, 心內嘅鬥志就經已被摧毀到蕩然無存, 呢一刻, 丹娜心內經已絕望, 就只有默默地等待住死神嘅降臨。
 
吳總正要提步衝前掌殺, 冷不防, 天上突然亮起左一道白光, 繼而丹娜眼前一白, 緊隨住再一聲隆然巨響之後, 丹娜見眼前嘅吳總突然全身冒煙咁倒在地上, 而響吳總肚中嘅鐵棍亦正一片焦黑咁不斷地冒出住白煙, 無錯嘞, 鐵棍正將天上嘅閃電引導到打落吳總嘅身上。
 
一個人, 縱使你身懷幾許絕世武功都好, 但當同大自然比較之下, 一切都只係顯得好渺小而已。
 
風已停, 雨亦止, 眼前大敵終已除去, 咀角淌住血嘅丹娜正呆望住地上遍地屍骸, 跟住再望吓倒在地上嘅龍飛同大力, 丹娜正想起身嘅時候, 但突然放鬆嘅佢就只覺眼前一黑, 跟住成個人就已經暈倒在地上。
 

 


良久, 丹娜開始逐漸甦過黎, 但就毅然發覺自己正身處於木船之上, 而龍飛, 大力, 小柔, 小倩, 菁菁, 師爺基同堅仔, 所有人都響丹娜身邊正齊齊整整咁陪伴住佢。
 
龍飛正攙扶住丹娜坐左起身, 「娘子, 已經無事嘞, 而家船隻正在歸航=13.3333px途中, 睇黎約在明早之時, 我地就會番到青島市架嘞!」
 
丹娜望住同樣受左傷嘅龍飛同大力已經安然無恙咁響佢身邊, 但心內突然之間就想起左一個人, 一個就響佢生死關頭之中, 毅於捨身飛撲將佢推開而勇救左佢嘅人。
 
「相公, 扶我起身過去船尾之處!」 龍飛小心奕奕地再扶住丹起身, 跟住二人就慢慢地行到去船尾之處, 龍飛見丹娜正凝望住海中正若有所思咁, 等左好耐, 丹娜終於就開口講野。
 
「來福, 你我雖然萍水相逢, 但估唔到在我危難之間, 你居然會作出捨身救我之事, 當初你話要殺我地嘅時候, 果一刻我對你簡直係憎恨極至, 但後來明白你只係遵從你師尊嘅指示, 而我亦明白到你嘅難處, 但礙於自小個性固執, 不懂得去體諒別人, 所以由始至於我都未有向你適出善意, 但如今……..」
 


丹娜面上已經流出兩行眼淚出黎, 龍飛見狀, 即時輕拍住丹娜再好言相勸, 「娘子, 生死有命, 而且事後聽聞來福每天都會在其亡妻畫像之前, 訴說希望有朝一日會到黃泉與她相聚, 但如今, 來福已經能夠達成佢嘅心願, 或許此番正是上天刻意為佢安排都未定呢?」
 
丹娜緩緩咁望住龍飛, 跟住再望吓船艙之內各已經成為一對嘅人, 丹娜正嘆左一口氣地繼續再講,「飛, 經此一役, 我知道生死無常……., 但能夠同自己喜愛嘅人一起經歷任何嘅每一天, 我知道我一定要珍惜現在我所擁有嘅, 飛, 你要記住, 你千祈不能比我早死, 因為……」
 
龍飛正等緊丹娜嘅繼續, 丹娜繼續講, 「因為, 我下半生都需要你呢個人去照顧我架!」 龍飛聽罷, 即時就將丹娜緊緊地擁抱住起黎, 而木船就正繼續緩緩向住青島市進發。