我和補習姐姐不為人知的秘密關係…: 11

深夜時分，阿媽終於都結束了她忙碌的行程，返到屋企來，她帶著看似疲憊的身驅，躺在沙發上對我講話。　　

「衰仔，你係咪又搞搞震啊，補習先生今日打電話比我，同我講要辭職啊，呢個補習先生明明教得你好地地，做咩無啦啦要走啊？」　　

「唔關補習老師事，係我搞到佢走既…」此刻的我，已經沒有臉看著阿媽。　　

「呢個先生真係好好，佢走之前都好好交帶，留低左幾疊筆記比你，攞去啦。」 　

我接過筆記後，想起了阿蚊，我真係差一點流起馬尿，但在阿媽面前喊，真係好樣衰，唯有死忍住。　　

「咁你洗唔洗再請個新既補習先生啊。」

「唔洗啦…我ok架啦…我溫返補習老師留低既筆記就得架啦。」

「得唔得架你，仲有幾個月文憑試啦，你唔好逞強喎，唔好攞自己前途黎鬥氣啊。」阿媽語重心長地說著。

「阿媽，你要相信你個仔，我可以應付得到，放心吧。」

我跟手攞左份筆記就走入房間，阿媽見到我第一次咁有主見，咁堅定的眼神，佢就無詳細地追問。



回到房間，我打開了那厚厚的幾疊筆記。

筆記上有著不同的試題，而且還有一本筆記是答案跟詳細的解題方法。

看到阿蚊如此用心替我準備，正當我想放聲痛哭時，無意間看到筆記內夾雜著一封信。

信上寫著的是：
「梁禮賢，其實事情發生得有點突然，戈日我情緒太過激動，希望唔好嚇親你，其實我唔再補習呢個決定，完全唔關你事，你唔需要內疚，只係因為我自己有私人原因，已經唔能夠再繼續幫你補習了。所以我替你準備了些應考的筆記，你天資聰慧，相信只要你用心去複習，無野會難到你。如果，你如果仲想見我一面既話，你就同我考入港大！我會在港大等你的，到時見！」

我讀完阿蚊所寫的信，短短幾行的文字，已經一言驚醒夢中人，阿蚊講得岩，我唔需要繼續鑽牛角尖，往死胡同裡打轉。



佢係港大生，只要我成功考入港大，咁就可以順理成章再見佢一面，一唸起可以再次見到阿蚊，好似喝了好幾罐紅牛般，瞬間給予我無限的動力，我知道這個時候，一分鐘都唔可以浪費，即使十拿九穩也不行，而是必須百分百確保考入港大。　　 

我馬上拿起阿蚊準備的筆記埋頭去看，我一點也不孤獨，彷彿有一種錯覺，她依舊在我旁邊指導著我、細心溫柔地解答我的問題，感覺她就在我的身邊一樣。