巴士停站後,我的心臟依然如此猛烈地跳動著,久久未能散去,我只好強裝鎮定著,盡量不讓阿蚊察覺到有何不妥。 

下車後我們走到附近的便利店買啤酒,我從雪櫃裡攞出半打啤酒。 

「買咁多罐?你飲唔飲得晒架,我頂多飲一罐炸。」阿蚊開始擔心著。  

「唔緊要,今日我好有興致,同埋就算飲唔晒你都可以放雪櫃啊。」  

阿蚊點點頭,只好勉為其難默許我。 



去埋單時,我視線不自覺地看去收銀台下滿滿的保險套,彷彿提醒著我,要做安全措施。  

「阿蚊不如你睇下雜誌先啦,我想研究下簡邊款啤酒好D。」我嘗試洗開她,然後以迅雷不掩耳的速度埋單。

「唔洗咁麻煩啦,就呢款啦,講到你款款都飲過咁。」  

可惡!根本抓不到空檔去買保險套,我恨自己沒有提前準備著,在緊急的情況下,我此時只能想到招老套舊橋。  

「啊…我突然肚痛啊,我要去附近既M記解決一下。」



「吓,咁突然,你洗唔洗去我屋企先啊,都就到我屋企附近啦。」

「唔洗,我唔想你塊沾污你屋企塊廁板,你係到睇陣雜誌等我啦,好快!」

我用畢生最快的速度跑動著,剛好看到對面有另一間別的牌子便利店,我馬上沖進去挑選。  

我的運氣衰到貼地,好黑仔,便利店店員看上去是個跟我年紀相若的女人,滿頭大汗的我,髮型都應該亂得一塌糊塗,樣子應該令人生畏,而且我視線一直往下,眼神左右漂動著,簡直將自己的需要全部寫在自己臉上。  

我仔細看著不同的尺寸與味道,價錢有貴有平,咩動感激點型、活力型、雙悅愛潮裝和螺紋型等等,五花八門,完全搞唔清楚邊個打邊個我簡直得了選擇困難症,不知道選那個比較好,好想問一問收銀台眼前既女仔,可以比點意見嗎? 



當然,現實的我當然不夠膽去問,而且我的時間有限,不能逗留太久,我只好簡左個顏色比較鮮豔、名字比較威風的包裝,我低下頭結帳,我不敢與女店員有任何的眼神接觸。 

買好後,我匆忙地跑回去與阿蚊會合,汗出得不尋常的多,頭髮濕到好似岩岩洗左頭咁。 

「阿賢,你去左邊?咁快既?你講一講我先醒起,呢頭無m記架喎,最近嗰間都有成兩公里喎。」阿蚊露出質疑我的眼神,似乎開始懷疑著我剛剛去左邊到。 

「無啊,我岩岩經過見到間茶記,就話扮唔記得帶銀包,入左去解決啦…」  

「哦,咁你有無事啊,係咪d刺身唔新鮮?」  

「無啊… 純粹食飽想柯屎姐。」  

「擔心死人咩,你講野真係好直接唔避忌架喎。」

「哈哈,慣左啦,我地走啦,你帶路吧。」



我們兩人並肩而行慢步走回去,沿途互相講些無聊的話題,十足十一對打情罵俏的小情侶,真想這樣的感覺能一直維持下去,成為一對真正的情侶,但這個願望,到底要多久才能實現呢?