我和補習姐姐不為人知的秘密關係…: 26

我今日如常地在空堂時待在學會，這段時間只得我跟陳sir兩人，我們在講一些無聊的笑話。　　

「禮賢，你有無聽過世界記憶大師呢個名銜？」談笑之間，陳sir突然認真地向我提問。　　

「無聽過喎？個名好似好勁咁，做左會點？」　　

「其實都無咩大不了，只係記憶界既一個名譽，攞左會威水Ｄ，可以向人炫耀下。」陳sir邊說邊笑。　　

「雖則呢家全世界只有百幾個人有呢個名銜，但只要經過正確既訓練，要成為世界記憶大師一點也不難，禮賢你想試試看嗎？」他接著說。



「陳sir，聽你咁講，邊個唔想做世界記憶大師啊，咁威水，但係你講得咁輕鬆，要練幾耐?唔會要練成十年吧？」　

「禮賢，即使我今日同你講，要你去參加奧運，對依家既你黎講可能係遙不可及的，但係，做任何事之前要先問過自己，你有決心嗎？我相信，只要有一顆不屈的心，任何事也不會難到你。我曾經訓練過十幾個同你年齡差唔多既年輕人，初頭個個都好有決心，用好認真的心態去練，但隨著時間越久，進步已經沒有當初這麼明顯，他們就像泄氣的氣球，漸漸放棄，我唔希望你都係咁，你好好考慮下吧。」　　

做任何事之前，總會先有一個動機去推動你，我在腦中詢問著自己，做世界記憶大師的動機是甚麼？我其實也不知道，我也許想証明給別人看，梁禮賢不是廢柴一個，或者，這是一個機會，我因補習而認識阿蚊，而阿蚊教我記憶技巧，我才能成功考進港大，現在也許是時候要做個了結，我要成為世界記憶大師，將獎狀送給阿蚊，藉此表達出自己的心意。　　

我只考慮了不到一分鐘，便答應接受訓練，我對現在的記憶力頗有信心，我同意陳sir的一番話，一顆不屈的心，是很最寶貴的。　　

「陳sir，我願意接受挑戰，我想要向著一個目標去前進，我想成為世界記憶大師！」　　



聽到我的答覆，陳sir感到相當滿意，拍了拍雙手，然後他突然站起來，似乎想去找些東西。　　

他走去書櫃旁，拉開抽屜並拿出一份厚厚的資料，並隨手拿了一副撲克牌放在我的面前。

這一副啤牌的封面是一個女人，我疑惑著，陳sir示意叫我打開，我正在猜想是不是我所想的事時，一打開，果然如此。　　

每一張啤牌都印著不同的女人，有些衣著暴露，有些則很性感，這些啤牌是我小時候在士多看過的性感啤牌，小時候不敢買的東西，想不到現在竟然在我眼前，令人有種懷念的感覺。

「哈哈，陳SIR你都好呢味野架?」



「我都有年輕過既時候既，認真講返，要成為記憶大師必須參加一個叫世界記憶錦標賽既比賽，而裡面其中一個算較容易既環節就係記啤牌，兩張joker係唔洗記，即係要以最短既時間記低打散左既５２張啤牌既順序，要求兩分鐘內記完。」

「52張啤牌…雖然數量唔算好多，但係兩分鐘會唔會太少…」

「其實已經時間好長！記錄保持者只係用左二十幾秒就記好一副！其實只要知道記憶既方法，係唔難既，首先將每一張啤牌轉化成不同的圖像，即係每一個花色數字都有唔同的圖像去代替，熟背左佢，一般人也可以五分鐘之內記下整副啤牌。」　　

啤牌轉化成不同的圖像，我望一望眼前的啤牌，我瞬間明白到，將每一張牌轉換成圖像的確變得容易記下來，例如每張牌代表唔同既女人。

但問題是，那一副啤牌年代相當舊遠，不合我的口味，我需要自己訂制一副屬於自己的ＡＶ女優啤牌，不…應該是一副特殊啤牌。　　

「你有聽說過記憶宮殿嗎？就係想像一個你好熟悉既地方，張每張牌轉成圖像後放到唔同既位置上，用呢個方法，就好容易記得入腦，隔一段時間都可以提取出黎。」

陳Sir給了我一份厚厚的資料，內裡應該是關於記憶訓練的方法。

「你同我睇晒佢，我一個禮拜後檢驗你既成果，時間必須係四分鐘內記好一副啤牌，如果超過呢個時間，我就唔會幫你訓練，明未？」陳sir慈祥的樣子下，說出狠話，看來是逼我苦練。　　



「我知道了，我唔會辜負你對我既期望！我會好好回家練習！」

我不敢浪費時間，就在我想趕快回家的時候，剛巧我在門口碰見了師姐Kay，我記得她是阿蚊的好友吧，所以我便跟她說我接受了陳sir的訓練，想試一試參加世界記憶錦標賽，成為世界記憶大師，之後便向阿蚊告白，不知為甚麼，當我說到要跟阿蚊告白，Kay情緒變得愁緒低落。

「阿賢…老實同你講，其實阿蚊佢前排分左手，佢或者需要時間去療傷，如果你要追佢，就要展現出比個賤男更好。」 Kay當說到那個賤男時，表情立即相當生氣，她握緊拳頭，好像氣得想一拳打向我般。

「賤男？唔會係哥個Jason吧…」　　

「你竟然都知道？無錯，我聽阿蚊講，Jason一直都唔想阿蚊幫你補習，似乎是吃醋，經常威脅阿蚊話再去同你補習就要分手，阿蚊覺得好無奈，最後係Jason堅持下終於屈服，放棄同你補習。」

我恍然大悟，難怪那一晚阿蚊帶了酒上我家，那天是她最後一天幫我補習…也許那天她心情很差，需要我的安慰，而我卻展現出懦弱的態度。　　

「之後阿蚊唔再同你補習，點知無幾耐，比阿蚊發現Jason手機上一直有同個女仔聯絡，原來賤男Jason之前每次都趁阿補習時，走去偷食學妹，最後佢地離離合合，呢排佢地終於正式分手了。」



「多謝你啊，Kay師姐，我會證明比阿蚊睇！我唔會同Jason一樣！」

我向Kay笑了一笑，示意離開，聽完她的話，更加堅定我成為世界記憶大師的行動，我要證明給阿蚊看，我是個會付諸行動的人，不會辜付阿蚊！　　

也許這是第一次機會也是最後一次機會，我不敢怠慢行程，我馬上回家搜集出我最強大的５２位女優，我相信她們將會一路陪我走到最後。