《緣•份；完•分？》: 第二章：奇怪的殷桐？

「係喎，你今日放學有冇嘢做呀？」阿俊問我
「冇呀，做咩？」
「我要跑步！我要大隻！我要溝死女！」阿俊激動的說
我們剛踏進課室門口，所有人的目光都投射到阿俊身上。殷桐卻不被阿俊的說話吸引，她獨坐在窗邊，托着腮看窗外風景仿佛有心事縈繞。
.
我走到殷桐前面的座位，坐了下來。
「殷桐啊，你頭先係唔係有嘢想同我講呀？」
「冇呀。」她繼續凝視窗外的風景
「真係冇？」
「嗯哼。」




「咁我走啦，bye bye」我站了起來
「喂！你真係覺得我冇嘢想講咩？」
「我真係唔知喎…」我一臉疑惑
「哼！你走咯，反正你之後都係坐依個位！」
「吓…唔係掛…」我假裝成不願意的模樣，其實內心卻開心得不得了
「你唔想坐依到咩？」
「唔係呀…哈哈…」
就這樣，我和殷桐便開始熟悉起來。
.
「今日開心死你啦，同夢中人坐得咁近。」阿俊邊跑邊這說




「ok啦，唔通開心又話你知咩~」我笑說
「都知你籠嘢啦！有毛有翼曉飛lu。」
「挑！」我倆笑著
「你有冇人地電話呀？」阿俊問道
「有呀，今日問咗。」
「所以你又會不停問人功課？」
「係得你先咁弱智成日煩住人咋喎」我笑說
「不過呢，今日返到課室之後呢，佢講嘢有啲怪。我問佢『你頭先係唔係有嘢想同我講呀？』佢話冇，咁我就走啦，但係佢又叫停我問我係咪真係覺得佢冇嘢想同我講，黑人問號。」
「唏…係咁㗎啦。」
真奇怪，到底殷桐在想什麼呢。。