《緣•份；完•分？》: 第五章：約會(一)

「殷桐你想食咩呀？」
「我都唔係太清楚啊…你決定呀！」
「咁你有冇啲咩係唔食得㗎？」
殷桐突然捉緊我的手臂「其實食咩都唔緊要㗎！」
我看着她，她笑一笑「只要食得飽就得㗎啦~」
「咁我帶你去食日本嘢好唔好？」
「唔使啦！你帶我去食隔離商場間餐廳食焗豬呀一係！」
.
「茄汁焗豬凍檸茶。」一個伙計把飯和飲料端上
「你肚餓你食先啦，唔使等我。」我把飯推到殷桐面前




「真係唔使？咁我唔客氣啦~~」
「唔使呀，你餓咗成朝快啲食啦！」我把檸檬茶拿過來開始「篤檸檬」
我看着她說「你唔好食咁快啊會哽親啊…」
「咳咳咳…」我立刻把檸檬茶遞給殷桐
「快啲飲啖嘢飲先！」我邊幫她拍背邊說
「咳咳…我冇事啦~」她笑一笑看著我
我繼續看著殷桐，對她笑一笑
「你依杯檸茶篤得好好飲呀！」
「咁我之後都篤俾你飲好冇？」我笑說
殷桐害羞的笑一笑低頭




我拿出紙巾來「你食到成個嘴都係茄汁啦~“論盡”鬼。」
幫她抹走嘴邊的茄汁
我邊幫殷桐抹嘴邊笑「你笑咩呀！」殷桐說
「唔話你知喎~傻妹~」
.
「係喎，你唱K有冇book到房呀？」我突然問
「我…我冇啊…」殷桐小聲的說
「唔緊要啦~我已經諗好埋plan B啦。」
「咁係去邊到呀！！」
「我一陣帶你去咪知~」