《緣•份；完•分？》: 第七章：約會(三)

「我係唔係發緊夢呀…」殷桐驚訝的說
「你冇呀」
殷桐看見眼前所的景像，便二話不說進了場館
她看著場上的畫作，看得入迷
「係威E呀…」在殷桐的眼神中，彷彿可以看出一絲感概
「唔知我幾時會遇到伊芙呢…」
我沒有說什麼，只是因為我沒有看過Pixar的電影，所以並不知道殷桐說什麼
「係麥坤同哨牙嘜呀！」殷桐指着另一邊的展品
我看著展示箱內的的麥坤和哨牙嘜
「你諗緊嘢呀？」殷桐突發問




「冇呀，我只係覺得個模型整得好靚呀。」
「咁我地去嗰邊睇蟲蟲呀！」說罷，她便捉緊我的手臂拉我過去
.
沒想到一個小小的展覽館，殷桐竟然可以在裏面看了足足四十分鐘。
「咁我地去門口影埋嗰隻好大好大好大嘅毛毛就走啦好唔好呀？」殷桐一邊走一邊用手勢來描述“好大好大好大”的形狀
「好呀。」
殷桐排隊時從來沒有試過這麼安靜，一直低頭看地下
「Hello~唔該你可唔可以望我地兩個影相呀」殷桐突然問後面的兩位女生
「可以呀~」
原來下一個就到我們了




.
「係喎，你頭先點解好似都冇咩講嘢咁嘅？」我倆沿著單車徑旁的行人路走
「有咩？可能我睇得太入神啦！」殷桐笑一笑回應
「我平時都唔見原來你咁靜添。」
「咁即係你話我嘈啦喎！」她鼓起雙頰，皺著眉頭的看著我
「唔…唔係，我只係話你…」
「你係唔係發燒啊？塊面咁紅嘅你！」殷桐打斷了我的說話
我立即望向另一邊「我只係話你平時都有嘢講咋嘛。」
「其實我頭先諗起咗好多嘢。」殷桐的語氣變得沉重