「林先生,今次辛苦啦」

直升機上,早已經有迪拉斯的人員


「我地多謝你地及時趕到就真」

老大挑起煙:「依家我地去緊邊?」







「上海,我地既老闆已經準備好同你地交易啦」

此位戴眼鏡的迪拉斯人員道:「我地老闆係迪拉斯中國分部部長,劉家龍」


「你地老闆係邊個對我地唔重要丫...錢先係最重要」

老大冷冷道:「我地啱啱先賣左幾份比中東既恐怖份子」






「....哈,都啱既」

四眼人員竟笑起來:「只要有金屬古菌,再加上戰鬥用納米機械,以後就唔會再有人制止到我地迪拉斯」












「你個死女包,你講咩話?!」

「我已經同經理人簽左約啦!我!要!做!歌手!!!」


「仆街女!!」友美既父親一掌摑向友美

「我比咁多錢你讀書,你竟然話要做歌手?你short左呀?!!」

「你睇下你細妹丫!年年全級第一架!你睇下你讀左d乜撚野屎片出黎!!!!」


「係啦係啦!佢先係你個女!我唔係丫嘛!!!!」





「呢d咁既屋企,我住唔住都罷呀!」

友美取起行李袋,轉身離開



「友美!!你去邊呀...」友美母親欲想追出去

「由得佢!!!!睇下你個仆街女幾時返轉頭求我!!!!!」



「知美,你唔好學你家姐呀,有書唔讀,走去做埋啲明星仔!」









「啊...」

知美從小睡中醒過來


「竟然..又會發呢一個夢...」



回憶著當時大叫的希路,知美心裡感疑惑





「到底果個人...係邊個黎呢?」



知美認出直升機外的景色,正是上海市






巴黎 IID分部


「瞳瞳,到底件事係點架?」





任務結束後,奈央一直追問


瞳瞳嘆一口氣,道

「呢件事係阿孝先生佢講既,佢比左一段德國研究所影到既CCTV片段,入面就見到友美小姐....」

「對唔住呀奈央小姐,我同希路先生都打算搞清楚件事先話比大家知..」



「唔緊要...」

奈央道:「但係..既然果個唔係友美,咁一係就係佢孖生姊妹、一係就係複製人..」


瞳瞳飲一口水,點頭

「不過響政府資料庫入面已經搵唔返友美小姐既資料,應該係比佢以前既唱片公司刪除左」

「點都好,只要我地捉到佢,就會知道答案」


「嗯...希望下次捉得到啦」




「根據各地既雷達探測,果一班劫匪正乘坐迪拉斯既直升機,前往上海」

阿孝指住螢幕上的地圖:「相信,佢地去同中國分部部長劉家龍進行交易」


「咁就易辦啦,我地一路跟蹤佢地就得啦,到時再一網打盡」花仔榮道


洛迪古斯再補充:「不過現時響上海既IID人員不足,恐怕我地要同佢地硬拼」




「....」

希路卻一臉迷惘



「希路,無事丫嘛?」阿孝問


「無....」

希路道:「今次..我唔會再被佢地走得甩架啦」


「...係就早好啦」

阿孝命令眾人:「我地即刻起程啦」


「係」





一日後




上海中心大廈,塔頂


「嘿,呢個劉家龍咩料呀,要我地成班人等佢!」

劫匪七人中的黑仔不滿道


「收下把口啦黑仔,佢話哂都係我地既客黎」

另一人湯米則比較懂大體:「老大,呢個劉家龍..係咩人黎架?」


老大先咳兩聲

「佢係依家迪拉斯響東亞唯一既首領,不過佢一直都比較少動作」

「所以,今次買我地既金屬古菌,應該係準備有所動作」





「咔!」

大廳的門被打開,吸引七子的注意


「七位,一路上辛苦啦」

此人身材魁梧,身穿西服,光頭上卻有黑色圖騰紋身

端正和狂野的反襯下,更顯霸氣



「呢個人..令人好唔舒服」知美心想



「我,就係迪拉斯中國分部部長,劉家龍」

劉家龍道


老大亦回應:「久仰大名,今次你地想買既野,我地已經帶左啦」


老大右手一揚,手下的阿忠和湯米隨即拎起地上的黑色保險箱

一打開,裡面已經有十多支裝有黑色液體的針筒




「嗯...非常好」

劉家龍命令手下:「拎錢」



一聲令下,四箱整齊的美金鈔票,展露於七人眼前


「計原定所講,四億美金,我要買哂呢度既金屬古菌」

劉家龍平靜道:「呢個價,其他人應該比唔到你地啦」



「deal,成交」

老大斬釘截鐵回答:「一手交錢一手交貨」



「嘿,合作愉快」








「砰啦啦啦啦啦啦!!!!!!!!!」


一瞬間

大樓的玻璃被射至粉碎
已有 0 人追稿