【英雄系列5】天使與吸血鬼2: 8.哀戰士

「如果你同家姐都係普通人既話.....或者.......」




「啊......」

希路一邊打字，一邊打個呵欠:「唉，朝早流流就咁忙，好地地唔得既！」






「咯咯！」

「唉邊個呀...入黎啦」


「經理早晨...」

身穿OL服的友美走進房內:「林氏實業果份融資計劃書，我做好左啦」







「好丫唔該」

希路繼續打字，未有理會友美



「仲有呀..」

「仲有咩呀快講啦」






「我....幫你買左杯咖啡呀」

友美將一杯星巴克咖啡放到希路卓上



「呃..唔該...」

希路對自己剛才的暴躁感到內疚


「咁無事..我出返去先啦」







友美離開後，希路拎起咖啡杯

杯上寫著

「To經理 Be happy la:)」



「唉..真係吹脹」

希路摸住頭









「啊...忙左我成朝呀」

奈央食住外賣飯盒，苦道:「瞳瞳你就好啦，日日有媽媽愛心飯盒！」


「邊係呢..我食唔哂架，奈央姐不如你都食啲丫」瞳瞳遞上自己的飯盒



「哈哈咁我唔客氣啦！」

奈央一邊食住瞳瞳的咕嚕肉，一邊問:「係喎頭先..我見到友美拎左咖啡入經理房喎，原來...係真既，嘿嘿」






「咩..咩真呀？」

友美放下三文治，一面愕然


「成層office都話你..鐘意經理呀」



「吓！邊個講架！！！」

友美反應奇大，差點叫得整棟大廈都聽到







「個個都話見到你成日含情默默咁望住經理嘛，又間中請佢飲咖啡食早餐」

瞳瞳道:「不過...唔係我地講架！」


「經理其實都幾好丫，又高又有型，係個人木獨啲姐」奈央不停硬銷希路


「....咩呀...買咖啡有幾出奇呀..」

友美不自覺地臉紅






「咦.....」

希路望到放工後的辦公室中，只剩下友美奮力工作



「友美，做乜仲唔走呀？」


「呢份report，聽日朝早趕住交架...」

友美正埋頭苦幹:「上星期我請左兩日假，所以依家咪要..」


「噠！」

希路坐到友美旁邊


「咁多你今晚點做得哂呀，我同你一齊做啦」


「吓但係...」

「但咩係丫，就當係多謝你今朝請我飲咖啡啦」


「咁...唔該經理」


「好心你地叫叫我經理啦，搞到我好似好老咁」

希路苦笑:「叫我希路咪算囉」


「嗯..知道啦，希，路！」

友美淘氣道


「...唉..好好地唔得既！」





「呼！總算做完！」

希路伸著懶腰，望望手錶:「holy！成10點架啦！」


「唔..唔好意思呀希路，要你陪我做到咁晏...」

友美再次道歉


「唉唔駛，我..」

「咕.....！！」


兩人的肚子同時響起


「呃..哈哈...我都唔記得我地做到飯都無食」

希路尷尬笑道


「咁不如..我地去食飯啦」

友美笑道:「最多..我請啦」







沙地阿拉伯，某醫院

「醫生...希路佢既情況點呀？」阿孝問




「病人腦部受到重擊，依家正進入昏迷狀態」

醫生搖搖頭道:「至於幾時醒返，我諗我都答唔到你，可能一個月..一年..甚至永遠醒唔返」


「....唔該」



全身多處包紮的瞳瞳低著頭

「係我..害到希路先生咁架」


「邊關你事姐瞳瞳...大家都唔想架」在旁的奈央安慰道



「我地既基地被炸毀，又失去左大半兵力，更重要既係，Archangel都無埋...」

病床上的花仔榮掩面道:「睇黎...PAZ真係要玩完啦」


「阿孝先生...」

「做咩？」



「我...想放個假」

「依家希路先生昏迷，我已經無哂吸血鬼能力，根本就係一無是處」



失去吸血鬼能力的瞳瞳，自信盡失:「所以，我諗我留響度都無意思..」



「....你鐘意啦」

阿孝輕鬆答應後，再補充:「不過...我有件事想你幫手」