偶然的機會下中了六合彩 從此展開荒淫不羈的生活: 08

「又或者係5100萬先岩，因為有600萬拎左去交果d獎金得益稅。」我更正之前所講既5600萬。
 
「嘩，咁咪可以叫到好女女出黎搞野!」肥聰個腦真係全部都諗埋曬d咸濕野。
 
「5100萬.....呢筆錢已經足夠砌到部1:1既自由高達，我以家即使幫你上網蒐集資料，睇下ｄ裝備點樣購買。第時等到第三次世界大戰爆發，我地就可以揸住部自由高達征服地球！」
 
我正式宣佈，傑仔唔係生存響呢個時空既人。
 
我將目光移向四眼龍，佢係唯一既希望，抑都係我地呢班人之中最有智慧的。所以我都一直期待緊由佢把口講出來既答案。
 


但無奈，我都唔知佢係咪比野上身定點，由岩岩開始佢隻眼就闔埋左，左右兩邊既眼皮不斷交叉互跳，左腳既腳趾以最大幅度張開，右腳既腳趾尾就以一柱擎天既姿勢維持至今。
 
「其實冇5100萬咁多，因為琴日同今日加埋都用左成1200萬.....」我都知兩日用左1200萬係一件好難令人相信既事。
 
「咩話，你搞過d乜?」肥聰不可置信咁望住我。
 
「你係話1200蚊定1200萬先，講清楚d好窩。」傑仔。
 
於是，我就呢兩日發生既事情經過粗略咁講左比佢地聽。
 


「咁你姐係已經同女仔搞過野啦，爽唔爽，個感覺係點呀形容下。」肥聰聽完後第一時間就問。
 
「OMG，我真係唔敢相信你竟然會為左同女人搞野而白白用左1200萬，你到底有冇諗過將來第三次世界大戰爆發果陣，你冇部自由高達響度，點保護到你既家人、你既朋友、同埋征服地球?」傑仔雙手抱住個頭，仿佛已經世界末日似的。「我幫你上淘寶睇下有冇其他平d既零件可以代替先，我都唔敢肯定百分之百會有，你最好以家去窗台向天拜幾拜，求佢保佑你。」
 
其實我從來都冇理過佢講野，更加唔會曬埋d無為錢去砌部乜鬼自由高達囉。
 
「唔知你地有冇睇過果部印度電影《人生不再重來》?」四眼龍突然睜開眼睛，蹺起隻腳咁問。
 
現場突然之間靜曬，冇人講野。
 


「我平時淨係睇三上悠亞。」肥聰打破沉默。
 
「我都係。」我同肥聰互相擊掌。
 
「我最近睇緊果套《我的英雄學院》，有冇人睇過，超級無敵熱血。」傑仔興奮得手舞足蹈，但由始至終都冇人理過佢。
 
「呢部咁高深勵志既電影我都估到你地d咁既凡人係唔會睇過。」四眼龍用中置托左下眼鏡，表情十分中二。
 
佢繼續講。
 
「呢部野大概就係話三個死黨將來要響其中一位結婚既前夕，展開一場瘋狂既旅遊，以此作為一段美好既人生回憶。我問你地，人生之中，你覺得最重要既係咩?」
 
「三上悠亞!」肥聰第一時間回答。
 
「錯!」


 
「小島南!」我馬上補答。
 
「錯!」
 
「自由高達!」傑仔。
 
「錯錯錯錯錯，全部都錯，到底你地個腦係咪裝屎。」四眼龍應該就黎比我地激死。「係回憶，回憶啊。」
 
「哦。」我見傑仔同肥聰都冇反應，於是就諗住求其敷衍佢。
 
「而一段充滿美好過程既旅遊，就係直接影響到回憶質量既關鍵。記唔記得我地以前反學果陣，都曾經講過話畢業之後要一齊去旅遊，見識下不同地方既美女，但一直都比金錢所限制住，最後都搞到我地咩地方都去唔成。」
 
「你意思係話，我地幾個應該要好似佢地咁，出國旅遊?」我問。
 


「唔錯唔錯，估岩左一半。」四眼龍得戚咁笑左幾下。「但既然我地有咁大筆錢，願望緊係要有咁大得咁大、有咁癲得咁癲。比如，包一架船出海，再叫一班模特兒上黎大玩幾日幾夜。」
 
「好!真不愧我識左你十幾年，今日終於聽到你講反句似樣d既人話。」果然呢d有關女人既話題，肥聰都可以第一時間反應過黎。
 
「我.....我未坐過船。」果一剎那我淨係諗到呢個答案。
 
「咁咪岩囉，凡事都有第一次。」四眼龍。
 
「但係我有女朋友，岩岩琴日先開始一齊。」雖然我未拍過拖，但我都知道做人要從一而終。
 
「帶埋佢去囉，男人老狗唔好咁婆婆媽媽，你都想留反美好既回憶比佢架，係咪?」四眼龍一言驚醒夢中人，我一時間都諗唔到點樣反駁佢好。
 
「時間就定今個星期六，傑仔負責上網搵船，肥聰就打電話去d𡃁模私影公司揀女，而我就準備定d野食先。」話咁快，四眼龍就已經分配好曬各人要做既人，實在佩服佩服。
 
「咁我負責做d咩?」我就奇怪，點解我好似咩都唔洗做咁。


 
四眼龍突然望住我奸笑左幾聲，我仿佛響佢既笑容入面聞到一陣陰謀既味道。
 
果不其然，佢跟住就咁講。
 
「你係呢個計劃既主角，負責出錢就得，嘻嘻嘻.....」
 
一條仿佛通往極樂世界既大門在我面前打開，門的後方是一片慾望的海洋。在那裡沒有煩惱，沒有憂愁，有的只是無窮無盡的歡笑聲，熱情烈烈地歡迎著我我。
 
當下既我已被慾海所吞噬，我變成芸芸迷霧中的其中一縷煙霧，隨風漂泊。
 
但我點都估唔到原本開開心心既出海旅程，到最後既結局竟然會變得一反不可收拾......
 
甚至....甚至，我已經開始後悔當初選擇上船呢個決定。