(十四)

師兄們教了我和Sony 如何選科,以後想副修某個科的話,就必須要讀滿足夠的相關學分。我懶得理會,反正怎麼唸也沒所謂,所以就把選課的事情都丟給Sony 處理了。

下個星期開始就是新學年的生活,我和Sony 二人都參加了不少節目,例如School Tour 、不同Soc 的Oday Onight ,我先旨聲明,不是我想參加的。而是Sony 那小子說要多結識新朋友,我才免為其難陪他參加。

上個星期聽說到Samela 分手了之後,到現在一直也沒有機會再約見面。畢竟港大與中大的距離差太遠了,而我回家也不會經過她所住的地方。所以這段日子,倒是有點想念她。

雖說沒有見面,但我與Samela 是一直保持聊Whatsapp 的。重點是!每天都是她主動找我!



「聽你咁講,咁你今次實食無痴牙啦?」Sony 說。

「Er ,咁你又唔可以咁講,只能話,如果咁都溝唔到佢既話,我就真係唔識點先算溝到了。」

「岩啦,繼續講呢D 廢話燈死自己啦。」Sony 說。

「賤格,下次你溝女,我一定唔會比意見你。」

「咁又唔好。喂你去唔去個細O ?好似無乜仔去喎。」



「文院不嬲都少仔架啦。我唔去啦,廢事搶哂D 女,留返比你啦。」

「係喎......你要去陪個四眼鋼牙喎。」

「你快D 去報名啦,仲有聽日個大O 記得唔好太狗公呀,我唔想你一入學就比人唱衰。」

「你少擔心我啦。」

不報大O 細O 的原因,大概是想把時間留出來,看看Samela 會否有時間約我。另外,現在眼中好像只有Samela 一個人,對其他女生沒有興趣,所以Ocamp 這種吃力不討好的活動,還是留給Sony 好了。



晚上與Samela 聊著聊著,講起彼此新學校Oday。

我:今日同Sony 返左去Oday
我:正阿好多靚女(心心眼)
Samela:多靚女都無你份架啦。

我:岩,所以我決定放棄,唔溝靚女溝豬扒
Samela :結果兩樣都溝唔到!(笑喊)

看來Samela 沒有看出我所指的豬扒就是她。

Samela :btw ,今日見到劇社
Samela :好想Join 阿(哭)

這麼一說,頓然想起Samela 以前在中學時,好像也積極參與戲劇活動。



既然有這方面的才能,那就應該去參加呀!

我:報左名先啦,反正人地都未必會收你

Samela :頂你啦(笑喊)
Samela :我咁優秀,話哂都係最佳編劇同最佳女主角喎!
我:咁多年前既野仲拎黎認屎認屁
我:不過你入到去會發現 原來個個都好有料到
Samela :係呀!所以我好驚無得玩呀!

腦海中突然想起有位中學師兄,去年在Facebook 上呼籲大家去看他的演出,姑且問問好了。

我從通訊錄中找到了那位師兄「阿立」的電話,馬上就撥了過去。



阿立是以前中學時游泳校隊的隊友,他比我年長一年,但因為常常一起溫習,我們的友情還算不錯。

「喂?Samson ?」阿立接通了電話。

「阿立,好耐無見啦,最近幾好嗎?」我問。

「咩事阿,好似賣保險咁既你。」

「唔係呀,想問下你係咪中大DramSoc 姐。」

「哈哈,嚇死我啦。係呀我上左劇社莊阿,本身青蛙都話一齊Join 但佢去左DanSoc ,做咩?你唔係入左港大咩?」

「係呀你又知既?無呀我有個朋友想入Soc 玩,但又驚入唔到,所以想睇下你有無辦法...」

「你個名貼左係學校網站啦。哦,你想咁咋嘛。今年真係唔知咩事,勁多人想入我地院個劇社 。你個Frd 咩名?以前有無玩過戲劇架?」阿立笑說。



「我個Frd 叫Samela ,佢應該識少少掛戲劇既野......」老實說我也不知道Samela 的程度去到哪,不過還是謙虛地說她懂一點點吧。

「收佢入劇社就無問題既,不過講明先!到時有活動要逐個Cast ,呢層我就唔可以寫包單啦。後日有個Onight ,叫佢出席啦。」

「我明啦!唔該哂你!」我說。

沒想到玩這種活動還要再另篩選,不過Samela 應該OK吧?我馬上給她發訊息。

我:係唔係都入左會先啦,我諗到時有Function 應該都要再Cast 既。

Samela 似是一直在等我Online ,她馬上回覆:咁又係......我報左先啦!

我將阿立的聯絡方式交了給Samela ,希望她能盡快地入會。



Dramsoc 嗎......應該沒事吧。

過了兩天,與Sony 一同回校參加新生Onight,看到他身穿文學院的T-Shirt ,心裡就暗笑:「搞咩呀大佬,唔想同你情侶裝喎。」因為我剛才也買了一件。

「喂Sam ,型唔型呀。」Sony 指著身上的 T-Shirt。

「深藍色,都Okay 啦,點解你有我無既?」我說。

「琴日你又唔返黎幫手,班師兄話最後一件已經比我買左啦,你無行啦,呵呵。」Sony 沾沾自喜。

「係咩,咁恭喜你喎。」這傢伙真是好騙。

師兄們說我住得遠,應該要申請住Hall ,雖然Touch Camp 已完,但我感受到一大陣伏味,以前的中學師兄也強烈建議我不要住Hall ,所以我就打消了念頭。Sony 說Touch Camp 讓他感受到愛和Ulife,所以就申請住Hall 。

剛巧Samela 學校的DramSoc Onight 也在同一日,所以我故意說是有事經過沙田,相約了Samela 待她Onight 完了在附近見面。本來說大概十時半就結束,結果等了好久,看來是太精彩了吧,大家都玩得樂極忘形。

差不多十二時,Samela 終於出現了。她略帶抱歉地說:「Sorry 呀!劇社果度遲左完,所以我遲左。」

我搖搖頭表示失望說道:「唉,都預左架,慣架啦。」

其實就是等到凌晨三時我也會等啦,不過我當然要把握機會挖苦她一下。

「唔好咁啦,下次請你食飯補數啦。」Samela 說。

「食飯?起碼都睇戲加食飯啦。」我隨口一說。

「好阿,有套戲我都好想睇。」

沒想到Samela 會答應得如此爽快,哈哈,這樣就可以再多約她一次了。

「咁約定你下個星期六?」我想星期六應該有空吧。

「好啦,我百忙之中抽時間出黎啦。不過果日...果日應該OK既。」Samela 說。

我滿意地點點頭,然後看一看手錶

「依家都成十二點幾啦喎,你攰唔攰?洗唔洗返屋企休息?」我問。

Samela 搖搖頭,說是想到外面走走,於是我倆就沿路走到城門河畔。

「岩岩個DramSoc Onight 好唔好玩呀?」我問。

甫問到DramSoc 的事,Samela 就雙眼發光地說:「好好玩呀!今日玩左好多遊戲,我個組媽超犀利!有一Part 係玩即興演出,組媽D 急才真係犀利到呢......」

聽到Samela 讚好的是組媽,而不是什麼組爸組仔,那我就放心多了。看到Samela 眉飛色舞地訴說著DramSoc Onight 的事,我就知道鼓勵她進入DramSoc 是件好事了,起碼她玩得很開心。

「咁組媽有無話你做戲好叻呀?最佳女主角。」我問。

「咁又無呀,唉呀我對住佢地好怕醜架,今日組媽講遲D 有個Freshman Performance ,就快開始Cast 人......」

Samela 在不熟的人面前害羞得很,只有我了解真正的她,是一個有趣又玩得的女生。與這個女生在一起,總是有著無數的話題......

「......但我又好怕開學好忙喎!組媽講有朋友讀我果科......」

深夜的城門河只有寥寥幾位行人,對岸的屋邨燈光也近乎全暗,只有河水反射著路邊的街燈;還有遠方傳來的昆蟲聲、汽車聲。Samela 說的起勁,要是我現在突然牽著她的手......

「.....最忙應該係實習,但係好似過兩年先......」

這種氣氛下應該可以吧......

「......唉呀好想玩FP ,但係好驚Cast 唔到好角色,又話下星期劇社 Ocamp......」

可是,要是Samela 只把我當成一個普通的朋友,或是好朋友,我拖下去必定會被甩開的。到時就尷尬了......

對了,來日方長,我又何必急於一時?要是Samela 對我也有意思,那就等感情再發展久長一點再說吧。

快將一點多了,我帶Samela 到巴士站,與她約好了下星期一起看電影,看著她的笑容,心裡感到一陣陣甜蜜的感覺。

對了,這就是戀愛的感覺了。

真是久違了呢。