跑車坐在地上喘氣一會,才把腦海裏那血肉橫飛的畫面使勁壓了下去。現在只可以見步行步,好在他的適應能力還是不錯。轉頭他看看自己救了的幾個人,二男一女,還有Enoch,一個個臉色蒼白,滿頭是汗。一雙雙眼睛立還帶着剛才的驚懼。

「自我介紹一下,我叫跑車」他見房裏有些沉悶,便第一個自我介紹起來,希望可以讓氣氛變得輕鬆點。

Enoch跟住接著說:「我叫Enoch,同跑車一個班同、住同一間宿。我地係會計系既!」

一個戴眼鏡、眼耳口鼻都擁在一起的男生,扶一扶眼鏡說道:「我叫阿邦,傳理系。」

「我叫Calvin,機電工程」另一個大大隻的男生接過話頭說。



最後輪到這裏唯一的女生,她擦一擦眼淚,露出她標致的臉道:「我叫Alice,外語系!」

「大家而家暫時安全,不過危險仲未過去。出面有一大班痴線佬係度,都唔知點算好。大家有咩想法同意見,都可以分享一下。」跑車六神無主,同時希望其他人會有解決方法。

「大檸樂了……今次件事就好似電影生化危機咁,d人死左之後過一段時間就會復活,而且開始瘋狂攻擊我地」阿邦慌張地說,同時又想起剛剛和自己一起逃出教室的同學。

「我同十幾個同學逃出教室,但後來擠着擠着就失散,而家都唔知係咪死撚哂。唉,好彩跑車頭先拉我入黎!」說完就感激地望了跑車一眼。

跑車笑一笑,說:「傻啦,大家都係同學……今次真係生化危機,外面d人同電影裏小說中描寫既喪屍一模一樣。」跑車嘆一口氣,有點沉重的說道:「我頭先打左好多次999,但都冇人接聽,可能999都被收皮喇!」



「呀……」聽到這裡,Alice 開始哭出來了。

在這幾個人中,Calvin的情緒調整的最快。

「我頭先問左Enoch,你地班有加上個監考老師,共45人!那些人發病時,只有十幾個人冇感染。」Calvin 道:「我班大致上都係咁既情況,我估計依場生化危機中,大概有百分之七十五既人受到感染生化病毒,變成喪屍。剩下百分之二十五的人具有免疫能力。」

「……」

「但生化病毒黎太突然,好多人都逃唔過喪屍追殺,而且被咬既人最後會變成新喪屍,喪屍只會越來越多,到最後倖存者可能唔夠百分之一」Calvin繼道:「所以而家應該唔會有人黎救到我地,要生存我地唯有靠自己!」



「講得岩,我地只有自己救自己……」跑車灰心地說:「我地雖然暫時安全,但唔可以長時間留係度。依間office只剩半桶蒸餾水,一d食物都冇,我地最多只可以捱到聽日早上。」

「希望過左一晚,喪屍會少一d。無論如何聽日早上我地必須離開係度,搵一個有糧有水,又安全既地方。否則,我地未被喪屍咬死,就會餓死係度。」Calvin冷靜道:「我地一齊諗下有咩辦法可以對付到班喪屍……」

大家一面茫然,沉默了幾分鐘……

Enoch第一個開始說:「我先講吧,我觀察到果d喪屍動作緩慢,但力氣很大。我見到一個體育健將想掙脫喪屍時,竟然被撕斷了一條手臂呀!,陰公!」Enoch說完還有點嚇怕的樣子。

「電影中,喪屍弱點係頭部。如果唔打撚爆佢個頭,其他部分就算打中都不以致命。」阿邦接着說。

跑車補充一下:「我估依樣應該係真,我頭先見到變成喪屍既監考主任,佢條頸被咬左一個大洞,肚又穿埋,腸甚至流埋出黎丫屌!但佢仲可以繼續行!」

Calvin站起來說道:「我好似曾經係一個網站上睇過,喪屍唔係靠眼睛睇野,而靠嗅覺同聽覺黎搵獵物。不過我唔知道這依個猜測準唔準確。」

「唔緊要,我地陣間一試驗一下。」Enoch 說。



跑車總結:「現階段我地已知關於喪屍消息有:動作僵硬、移動緩慢、頭部係致命處……喪屍比生前力氣要大,一旦被佢地抓住就仆硬街……仲有就係,佢地可能視力好差,但聽力同嗅覺就很發達。如果遇到單個喪屍仲好對付一d,一旦被喪屍圍就GG了。」

Alice聽到要再面對喪屍,不安地問:「我地係咪要搵下有乜武器用,冇嘢揸手感覺好唔安全!」

「我發現依樣嘢!」Enoch從牆角抱起一捆竹竿:「應該係學會招生時插旗用既,雖然幼左少少但勝在夠長……」

Ar邦也驚慌地拆開真皮椅:「如果張椅拆開,應該可以拆到4支半米長既鐵棍……」

「我搵到一把裁紙刀,但太短,唔知岩唔岩用!」Alice無奈地從一張桌裏拿出一把小裁紙刀。

「牆角有十幾個啤酒樽,我地可以用黎吸引喪屍注意力,只要大力有咁遠扔咁就可以。」Calvin冷靜指一指牆角。

「我地可以用刀將竹竿一頭削尖,就能當竹矛黎用。而4支鐵棍可以用來近身防禦,我地正好4個男,岩岩好一人一支。至於酒樽,拎4-5支,如果Calvin估岩,我地就有一招保命招式。」跑車鼓起精神道:「但如果喪屍嗅覺同Calvin所估既一樣發達,可以點解決?」



跑車摸着下巴,看着四周的東西。但環顧四周,除一盆仙人掌,再沒有其他東西。

本來就快放假,校長辦公室除了2張桌,2張凳,同一個櫃以及一台飲水機就沒多少東西。加上剛才許多東西都用來堵門,跑車實在找不到可以用的物件。

其他人也好像沒有好辦法,「算啦,我地先將依個問題放埋一邊,confirm左先算吧」

「係喇!我地聽日可以走去邊啊?」

Enoch突然插一句出黎,頓時所有人都開始思考起來,「係囉,去邊先算安全啊?」

過了半分鐘,跑車試探性的說:「有個地方,你地睇下ok 唔ok?」

跑車找到一張紙,一邊畫一邊說:「我覺得我們可以到AC1中心大樓試下。中心樓一共有四層,其中第一層小賣部,第二層學校的四號Canteen,第三層係泳池,第四層係女生宿舍。」

「生化病毒爆發在上午10點左右,依個時候食堂基本上冇人吃飯。而泳池同公眾浴室夜晚先開,依個時間最多只有幾個工作人員。」看到各人感興趣的樣子,跑車愈說愈興奮:「四層係女生宿舍,大家都去考試,依個時間點更加無人,就算有人病左在宿舍休息,我諗都冇幾個。」



「所以呢?」Alice 聽到女生宿舍,就問。

跑車繼續解釋:「抛開一層小賣部,中心樓二三四層的喪屍數量上唔會太多,我地應該可以應付到。而且,中心樓又有食堂,有水,有食物。只要我地將東南西北四個樓梯口堵死,再消滅二,三,四層既喪屍,咁果到就成為我地一個好好根據地,大家覺得點?」

各人聽到要同喪屍肉搏,無不抽了一口涼氣。但現在這種情況下,還有比依個更好的方案嗎?所以跑車的方案最後還是被全票通過。衆人計劃於第二天早上殺向中心樓。

「好喇,大家飲d水,好好抖下!我地要保證體力,聽日仲有一場艱苦戰鬥,話唔定係要搏命,大家先養精蓄銳!」大家都分別找了一個舒服的地方,坐的坐躺的躺。

經過一天逃跑和慌亂,大家的體力和精神都消耗得七七八八,所以都開始休息,爲明天的行動做準備。