屍幕圍城《作者開始暴走，少少甜，卜卜脆: 16. 開端,分析(下)

「係櫃搵到架！你地都搵下其他櫃，可能都有!」跑車搖一搖手中的黑色手槍, 然後指一指身後的那個鐵櫃

「好！」Calvin推一推鼻梁骨插嘴道:「軍隊對槍械管理好嚴格 ,只有練習或出任務時先可以佩戴, 領取時候還仲要登記名字, 所以我估應該係度係管理槍械房！」

「不過奇怪, 將槍械房設直接在會客大廳隔離, 佢地真係好有自信冇人敢搶奪槍械咩？或者係佢地認為最危險既地方就最安全地方！」King低著頭低聲自言自語

「柒頭,你識用槍咩?」Enoch望看向了跑車

「當然係…………唔撚識啦!」跑車很直接地說出了事實



「……」

接著, 跑車問:「支槍點算,應該要放返去？」

「白癡!」Enoch 無奈地搖頭:「而家局勢比我地想象中複雜得多,恐怕喪屍瘟疫傳播速度就像是核爆炸後輻射一般迅速……唔係, 可能更要恐怖得多, 依種速度幾乎是幾何性質!」

「我地唔知道瘟疫傳染源頭係邊, 但我可以好肯定4日前, 至少到那日上午六點左右, 我地依個世界仲算得上係正常, 喪屍仲未出現」King 回想道

「嗯！但到左前日早上, 大約八點左右, 喪屍怪物突然就出現係依個世界, 然後到處襲擊我地, 傳播瘟疫」Calvin 亦幫忙回想時間序



「假設我地係瘟疫發起地, 咁從前日早上八點到下午七點左右, 瘟疫就傳播到荔枝角區地區，頭先路上果班喪屍擺明係本地居民」King 接著說

「咁可想而知它的傳播速度有幾咁恐怖, 照依種速度傳播落去, 唔洗三日, 我地整個西港都將變為喪屍天堂。但依個都係保守估計, 如果我推測正確, 而家荔枝角、深水埗等地方應該出現喪屍, 而且係大量Enoch臉色嚴肅的說道.

「點解你會咁?」Alice不解地問

「你睇下地下d血跡, King 、Ceci 你地pro d。 你地估下, 大概幾耐之前留低?」Enoch指著地板上的那道血跡問道.

「嗯?」



King蹲下來仔細地端詳著那道血跡, 半響, 他才站起來緩緩地說道:「嗯, 血跡已經凝固, 出現黑色素。血液中血紅細胞大部分已經死亡, 只存有少部分在掙紮著。所以說, 按照我保守估計, 血液至少係五個小時就前留低」

「咁你再留意下血液噴射既形狀, 你認為佢係點噴出黎?」Enoch淡淡地說道.

Ceci亦蹲下研究著:「按照地板上既血跡黎睇, 佢絕對唔係垂直地撒落。因為如果垂直撒落, 血跡形狀唔會係單向一個方向噴射, 而係向四周散開……」

King頓一頓, 接著道:「……被害者應該係瞓係地上, 以血跡既噴灑形狀和噴灑長度可以推斷出。然後血液才從佢條頸度噴出黎, 因為血跡面積好大, 所以我認為只有頸或大腿先會有大量血液.」

「你地幫我証明左我既推理！」Enoch接著說道:「你地注意血跡同鐵櫃既距離, 按照我既目測應該有190多cm 左右, 岩岩好大約係一個人既身高」

「而且, 唔知道你地有冇注意到, 血跡正對著鐵櫃上個名字係'曹瑪利'……」Enoch意味深長地說了這麼一句, 然後看向眾人

「……」眾人沉默, 仿佛在思考著什麼

「啊!」忽然的靈光一閃



「所以話……」Alice率先反應過來:「血跡既主人係叫, 叫……」

「曹瑪利!」

「原來係咁啊, 我諗我明白Enoch既意思喇！」跑車沉思了片刻說道:「血跡既主人名字叫做'曹瑪利’, 並唔係因為血跡咁岩對櫃筒既緣故, 而係因為個櫃係開住！ 」

Enoch很贊賞地看向了跑車, 接下了他說話:「聰明！血跡岩岩對住開左既鐵櫃, 血跡與鐵櫃既距離岩係一個人身高, 重重原因加埋, 令我懷疑係依個人要拎槍械時候, 被怪物殺死!」

說道最後, Enoch面色陰寒地做一個切頸的動作, 嚇得眾人不約而同地打一個寒顫

「點解……你係話怪物?」Alice打著顫問道

「先聽我講完！」Enoch摸著下巴



「你地注意血跡噴灑方向!」Enoch蹲下來指一指那道猙獰的血跡

「首先依個人拎槍時候, 後背冇防備。接著, 佢就被怪物按到在地板上, 依凌亂既血跡來判斷, 怪物至少有兩隻。怪物一下就撕咬開佢條頸, 而佢係拼命掙紮、反抗。所以, 地面上就出現依種凌亂既血跡」Enoch一邊講一邊企起身

「知唔知點解我話係撕咬?」他突然抬頭問一句

「因為有一塊乾淨既大理石板磚, 只有沾染上少少血跡, 只係血液順勢流到依度」不待眾人回答, Enoch就自顧自地說出答案, 然後手指瀟灑地一指, 直直地指住血跡中的一塊海中地

「跟住果個人反抗, 因為畢竟佢係一名軍人, 所以也暫時掙紮掉怪物, 但拎唔切槍！不過最終, 佢應該逃唔過死亡既命運……」Enoch淡淡地說著, 仿佛當時他就在旁邊觀看著這一切的發生一般

「點解?」眾人都忍不住地開口問道, 因為Enoch描寫得太真實, 真實到令人以為是在杜撰的一個故事

「白癡啊!」Enoch 忍不住以犀利的眼光掃了掃疑惑中的眾人:「唔係有一條血痕係從依度被拖到外面嗎？唯一的一個結果就係他死左, 然後被怪物拖左出去」

「唔……」眾人若有所思的點一點頭



Enoch深深地吸一口氣,說道:「依個人身高大180cm以上既軍人, 同隻牛冇分別，但佢就咁被咬死……」

「係，冇錯又係班仆街喪屍啊!」又不待眾人回答, Enoch又自顧自地說起來, 只不過他最後的這句話聲音很低, 所以沒有被誰給聽到

「厲……厲害!」眾人幾乎是像聽著天書一樣

跑車也實在很佩服Enoch的分析能力。雖然他知道了結果, 但卻無法如此井井有條地表達出來！

「Wow....成個金田一咁既款?」跑車忍不住地讚嘆

「嘿嘿！」

「之後先係重點!」Enoch 的聲音低沉了下來, 隨著他的聲音的嚴肅, 眾人也都不自覺地嚴肅起來



「首先, 開始既時候我就有一個疑問, 點解成個軍隊中一個人影都冇見到？睇見依度既情況，我大概估到！」

「地面上既血跡係五個鐘前留抵, 換句話說, 依位名叫做'曹瑪利’係五個鐘前遇害！」

「但奇怪既係, 點解佢要用槍打呢? 以佢咁高大，同喪屍隻揪，應該冇難度。殺佢既怪物究竟又係乜? 佢死左之後咁條屍呢?」

「地面上有一道長長血跡, 按照推算他應該係被佢出去，我推理到依度就諗唔到……拖佢走既絕無可能係醫護人員……醫護人員, 特別係軍隊之中既醫護人員, 佢地唔會敢玩軍人條命！」

「會唔會被喪屍咬到？」Alice問

「如果佢係被喪屍咬中, 點解冇殘肢或肉塊呢?」Ceci顫栗著說道

「就係依一點,我諗唔明白！」Enoch一邊說著一邊低頭揉着太陽穴

「但我地頭先路上遇到既喪屍, 好多都係本地居民, 而依度同民居距離咁近, 佢地冇可能發現唔到喪屍?」

「或者咁講啦, 可能而度已經受到喪屍襲擊, 而為左反抗只好使用槍, 而曹瑪利係準備拎槍時被喪屍襲擊!」Calvin 沉思地說

「呃, 不過我發現有一點好奇怪,。照我地分析, 班綠大軍應該知有喪屍襲擊, 點解曹瑪利又返黎依間房？你地係樓上有冇發現？」Enoch面色平淡地

Calvin、King 等人搖一搖頭。跑車不自覺地摸一摸手中的那把槍,
呐呐道:「佢係應該返黎拎槍，想用槍求生吧!」

「嗯……」

絕境之中, 或許是看到一線的希望, 又或許只是單純的想要活下去,
求生的欲望爆發, 導致他鋌而走險拿生命去賭一次……

想要活下去的信念, 反抗著死亡的命運, 拿著性命去賭博。。。。