在過去五個多小時內,我們就是經歷過這些荒唐、荒謬和荒誕的事情而暫時存活下來,目前還有四個任務要解,時間是很充足,但我們四人的心理究竟還能支持多久才是關鍵。坦白說,在目睹大學生陳煒被殺後,我已經接近崩潰了,但他們三人應該也不會好很多,我相信只要有一人哭,其餘三人也會像堤壩決堤一樣同時爆發,即使是狠心的模型店老闆陳煒也不例外。亦因為是如此關鍵的時刻,我更加不能顯得軟弱,我要帶領他們一起逃生,只得一人生存的屁話我才不信,我要令大家都活著逃出生天。

「而家唔係內訌嘅時候,咁樣你哋兩個都會被判斷為自相殘殺而被吉針㗎!理性啲,多一個人,我哋成功逃生嘅機率就會提升,快啲解左呢個任務先啦。」我對模型店老闆陳煒和女星陳煒說。

他們被我和酒店炒散陳煒分別拉開,情緒慢慢冷靜下來,畢竟是性命悠關,還是集思廣益解任務更好。

「呢個任務係要我哋係一分鐘之內係幅圖入面揾十個錯處,呢樣野我好弱,所以我仲煩惱緊開唔開始……」模型店老闆陳煒說。

「咁就易啦,揾錯處係我強項,之前係機鋪成日玩,啲record都係我個名嚟。」酒店炒散陳煒自信滿滿,按下開始鍵。





這任務是八號,電腦螢幕顯示出一張圖片,而不是有兩張圖片對比讓我們看,而這圖片正正是這座工廠各層的圖則,換句話說,要找出圖則和現在工廠的不同之處,這要求我們對工廠瞭如指掌才能成功,但我們根本無閒留意四周事物,相信只能失敗收場。

「呢個……不如我哋走定先,反正一定答唔到。」女星陳煒說。

「等等,既然開始咗,我都想試吓,話唔埋我哋可以揾齊十個呢!」酒店炒散陳煒邊看著螢幕邊說,不服輸的性格在這一刻展現出來。

「呢度、呢度、呢度,嗯……呢度,啊,好似唔係,應該係呢度……」時間過了二十秒,酒店炒散陳煒瞬間已找出了四個錯處,果然是找錯處紀錄保持者,「喂,你哋都幫吓手,唔好齋睇。」酒店炒散陳煒開口道:「多一對眼揾得快啲,差六個,仲有半分幾鐘,實得!」

我們眾人聽到後才如夢初醒,加入戰團一起找,到餘下十秒終於只剩一個未找到,我們反復看著圖則和翻找自己的記憶,但依然找不到最後的錯處,時間一秒一秒流逝,十五秒的警報很快會再次奏起。





「叮叮叮……叮叮叮……」

「點解響起嘅唔係警報而係音樂?」我糊塗了,是CW播錯了嗎?但伴隨著音樂的是我腦內深處傳來的刺痛,以及一些零碎的片段,零碎得我也不知道是什麼。

「Wow!你好叻呀!你點揾到㗎?」女星陳煒問。

「我都唔知,只係覺得呢個圖則有啲怪,好似我哋身處嘅地方,但有啲細微位又有明顯嘅唔同,所以最後決定揀哂成幅圖搏一搏,點知單車真係變咗摩托。」酒店炒散陳煒得意洋洋地說,但當中也帶點靦腆。

「哼,好彩你有啲運仔,唔係就累死我,唔好嘥時間,快啲解埋嗰三個佢啦。」模型店老闆陳煒一面不屑,背對著我們說。





「Congratulation!咁多位陳煒,你哋又成功解咗多一個任務喇,可喜可賀、可喜可賀!不過提一提你哋喎,你哋咁團結係無用㗎,最後都係得一個走得甩,呢個係不變嘅遊戲大規則嚟,而且叛徒仲係你哋當中,你哋仲一齊行動嘅話,佢一賣你哋,到時全部gg,佢就贏嘅喇,唔駛再解任務,嘻嘻嘻。」廣播結束,但換來的不是喜悅,而是猜疑。

「Oh my goodness!叛徒未死?即係會計師陳煒仲未死?」女星陳煒驚恐地說,同時後退數步,和各人保持安全距離,口中唸唸有詞:「根本無全部都生還嘅方法,呢班人都信唔過,到最後都會諗計害我,我要小心啲。」

「咁點算呀?條仆街咁都唔駛死?即係佢會再諗計做我哋?」模型店老闆陳煒亦抱怨。

「公平咩?佢乜都唔駛做,我哋就提心吊膽、擔驚受怕咁解任務,到最後佢仲可以揾隻鬼捉哂我哋,自己生存,頂!」酒店炒散陳煒也怒罵著。

我留意到各人的反應,以及女星陳煒的身體語言,意識到首要做的是穩定軍心,令各人再次冷靜團結,但一時之間我也不知道要怎表達:「大家,佢都係見我哋合作咁好所以先想擾亂我哋,我哋千祈唔好中計,要相信對方,我相信一定有方法令到我哋都生存。至於個叛徒會計師陳煒,我哋都要提防佢,打醒十二分精神。」

雖然我這樣說,但明顯女星陳煒並沒有聽在心內,看來這個CW是心理大師。