【恐怖，懸疑】那天清晨: 第四十二話

在空盪盪的Columbia內，大家一邊換上店鋪內的背囊，帶上水樽、帽、行山手仗和手套，著上輕薄的風褸，這商場的冷氣真的很冷。但經過一輪搜查都沒有發現到爬山繩。

就在眾女士選擇風褸和Tshirt時，我無奈地問：「軒哥，冇爬山繩喎！」

軒：「屌！有冇攪錯啊，手套手扙，乜鳩都有，係冇繩！仆街！」

Joe：「咁而家點？走未？」

軒：「走喇，陣間再留意下有冇繩啦。」





轉身一望，Suki和May依然正在選擇衣物中，而Kelly就已經整裝待發了。

軒：「簡完未啊？行喇。」

May：「未啊。」

然後繼續問Suki那件Tshirt和風褸好，可以著得她瘦一點，看起來活潑一點………………

而Suki則極速選擇了兩件Tshirt並快速套上一件桃色風褸，示意已經準備好。





軒：「是但啦。啊姐，而家唔係shopping啊，走緊難㗎，快啲啦！」

May：「咩喎，簡件衫都嘈住晒，有冇攪錯喎。有冇咁趕時間啊…」

然後麻煩May一邊抱怨軒針對她，不讓她選擇衣服，一邊收拾兩件Tshirt入背囊，這一齣鬧劇才得已終止，真是他媽的麻煩。她有明白我們現在的處境是如何危險的嗎？鬼影或是超科技組織的利害，我們絕對是無力抵抗的。

再次向着Log-on進發，遠遠望向扶手電梯後的香港唱片，隱約的看到店鋪內電視熒幕發出的光影在閃動着；右手邊的Toys R US櫥窗裏有幾隻巨型紙牌動物；而唱片鋪的左手邊則是Salon Esprit …不，這不是已經結了業的嗎？已經開了另一間叫NAIL NAIL 的Salon嗎？

我低聲的問女神：「Esprit嗰間Salon唔係執咗喇咩？」





女神：「係啊，都有幾年喇喎。」

然後我示意女神望向Salon的方向：「大獲，點解嗰間Esprit仲係度？我有冇眼花？」

女神一望，立即花容失色，面都青了：「你冇眼花，點解咁㗎…」