軒呷一口咖啡後說:「罐裝咖啡真係好難飲。」

說完又呷一口繼續道:「0哩個數目字係好特別既數目字,佢乘咩都係零,而㩒計數機既話,任何數除零都係error,喺數學上就已經有好多爭議。另一方面,佢又可以代表『冇』哩個概念,真係好神奇,通常大家唔會留意到佢有幾奇特既。不過以上既都唔關事,0000同8888好多時都係啲電子產品既『預設密碼』。」

Suki:「咁即係點?你講過哩個世界所有野都係新㗎嘛,咁緊係預設啦。同埋你唔好咁多廢話啦。」

軒:「盡量啦。預設密碼哩樣野結合所有物件都係全新,令我諗到『初始狀態』哩四個字。但另一方面全新既狀態又唔會一直維持,就好似我地而家個鞋底咁,係污糟既。亦即係話所有野都以『初始狀態』出現。到哩一步,問題又嚟喇。」

軒已經放下咖啡,換上玄米茶。





May姐開始暴走:「你講咁耐我都唔知你講乜Q。」

「茶都ok既,你等我講埋先啦。因為如果啲野會污糟,咁應該有塵埃同老化啦?基本上老化好多時都係一系列既氧化作用導致既,但到而家我見唔到任何老化同一粒塵埃,總之物理上同化學上都見唔到現實應該出現既現象。點解?」

軒又停下,開了一包花生朱古力,一邊食一邊繼續說。

「點解啲朱古力要咁甜?真係唔掂,見到Godiva 要拎返啲70%先得。為咗解開哩個謎,就唯有嚟七仔。睇完哩度部電腦之後,就好多野都清晰晒。」

然後他語調一轉,以一種陰森恐怖的語氣說出以下的話:





「我睇咗哩度閉路電視既記錄,你地估下我睇到啲咩?有咩發現?」

這時氣氛變得恐怖詭異,剛剛我看着他操作電腦,雖然有查看記錄,但卻只看了很短時間,會有什麼發現?

我和Kelly你眼望我眼,完全沒有頭緒。