【恐怖，懸疑】那天清晨: 第一一五話

軒：「其實我覺得好急。」


Joe：「我都有啲。」


我也很急尿，之前給那鬼偶嚇得差不多要瀨，之後又開始逃命，竟然就放下了這「急」事。現在一提，我覺得膀胱快要爆炸了。


我：「我地快啲搵個廁所先啦！」






如果遇險的不是我們，而是某國家的人，現在應該會就地…


不！我太幼稚了，他們應該會早在商場內便會就地…然後恥笑我們要「死忍爛忍」這自然的原始生理需要。


現在逛商場也要小心翼翼的看着腳下，留意有沒有那些軟軟的咖黑色的東西。過住也只會在多人養狗的街道才需要那樣膽戰心驚地躲避地雷呢。






煩May：「最衰係你啦，你講完之後，真係好急囉。咁而家點啊？廁所係邊啊？」


………

五分鐘後…


Suki：「點解你會識開鎖㗎？你賊嚟㗎？」






軒：「作為一個博學多才既年青人，比普通人識多少少野都好正常啫。我上網睇過啲開鎖教學，你會發覺『其實唔難』。就好似玩elder scrolls 開鎖咁，支針仲唔會斷添。」


Suki：「咩Elder Scrolls 啊？都唔知係乜，May有冇攪錯啊，一嚟就霸住個廁所咁耐，仲未出嚟，不如你開埋對面屋啦，好急啊。唔該你丫。」

軒：「唉，無論幾出名既Game 都好，女人都係唔會識。又係既，正如男人都唔會識啲化妝品牌子啦。」

Suki：「你快啲啦。」

如是者，軒把隔離兩個單位的鎖也爆開了，Joe等May姐出來，而我和軒；Kelly和Suki各去一個單位交水費。

雖然我們直接就去七仔樓上的單位解決，但因為解鎖等煩瑣事項，前後也需要要十分鐘左右，就爆了！





我：「唉，終於舒服晒。」

我排在軒後面，總不能由他開鎖，再要他等到最後一個才解決吧！一出來，就見到他在翻箱倒籠，不知又在尋找些什麼，而他見我出來後，便停下手腳，很認真地說。

「我地去Suki佢地嗰邊，一陣你要幫我…」

他想對兩位美女做什麼？