Suki:「我以前成日嚟㗎!你都唔想飲嗰啲咁難飲既咖啡,係咪?」

軒:「唔…好啦。」

May:「你想飲咋嘛。我唔想喎,繼續行啦。」

Kelly:「唔緊要啦,拎包咖啡好快咋嘛。」

Suki得到Kelly贊成後,立即進入這一間少少的咖啡店,軒亦緊隨其後。而我們則在門口等他們。





望進去,這咖啡店真的很細少,內裏全是木,地板是微微凹凸不平的木板,只有五張圓形小木檯,每張檯有兩張木櫈,櫃檯也是木的,所有木都是暖暖的色調,讓人感覺很舒服。

得到軒示意安全,沒有鬼在這裏後,Suki快速拿了一包咖啡豆後,又到店內看看尾二那張檯,摸了摸檯身和櫈背後才依依不捨地回來。

差不多到達門口時,她又想起些什麼,匆匆走回櫃檯拿了些咖啡杯和碟到背囊內。

「啍!拎咖啡哩啲無聊野就得,休息多陣就唔得,簡件衫又話要趕路,食pepper lunch又話冇時間,要食麥記,人地就乜都得。」

「其實拎包咖啡都好快咋嘛,算啦。」





「係囉,好快咋嘛。前後都冇兩分鐘啦」

Kelly同Joe仍可以繼續開解此煩人,EQ實在是比天高。

Suki很快就出來會合繼續趕路,也不知她在想些什麼,時而絲絲甜笑時而又皺着眉頭。

軒:「妳以前係咪都會買咖啡豆返去沖㗎?」

Suki笑着回答:「間唔中啦,佢啲豆好貴㗎,不過自己沖既係好味啲既。」





然後大家繼續快速安靜地趕路,再走了一會就到達Suki家樓下,這是一座比較新式的公屋。她輕快地按下密碼後,大門果然打開了。所有的一切是如此的真實,除少了保安大嬸外。

Kelly:「我地撘定行樓梯?」

軒:「撘啦。」

May:「撘安唔安全㗎?」

軒:「安全既。你驚困啊?唔驚喎,行咗咁耐,見到咁多,相信你都應該感到有個『神秘力量』維持住所有野既運行,唔會困既。」