【恐怖，懸疑】那天清晨: 第一三六話

Suki：「係啊，一零年嗰陣我同屋企人去台灣影㗎。」

軒：「哦，我想借多次妳條鎖匙啊。」

Suki：「唔係用唔到咩？嗱。」

軒也不回答，接過鎖匙後獨自走到大門位置，打開木門後嘗試以鎖匙把鐵閘鎖起來。

「噠！噠！」





今次竟然成功鎖上！

「噠！噠！」

他又把鎖解開了，然後對木門亦嘗試了一遍，成功二連無難道。

Joe一臉好奇：「頭先明明開唔到㗎喎。點解你得既？」

「…」





面對大家好奇的目光，他仍然不為所動，一個人沉默地坐着，不時用雙手整理眼鏡位置，盡管他眼鏡的位置已經非常合適，還不時咬右手的手指公，整個諗樣出了來。

Kelly：「你發現到咩，諗到啲咩，講出嚟大家一齊傾啦，唔好次次都陣係自己諗啦。」

「…」

Suki：「喂…」

「之前應該唔係個鎖壞咗，亦唔係之前用錯鎖匙。你地記唔記得入嚟之前嗰下地震？」





「緊係記得啦，震得咁勁。Suki嗰陣又唔舒服。」

「係啊！嗰陣Suki個心跳得好快，瞳孔對光既反應都…總之嗰陣情況好差啦。」

「Suki頭痛同地震應該有關係，我諗大家都有咁既諗法。我估…」

其實我太害怕，還真沒有想到兩者有沒有關係。

「我估同『佢』複製哩度有關係，之前喺其他屋我地冇見過任何相，哩個咁奇怪既現象，一係『佢』特登咁做，一係就『佢』做唔到。」

Kelly：「咪住。你既意思係『佢』係～靠我地記憶去複製哩個世界？」

「我相信我地既腦裝唔到成個世界咁誇張。而且我地冇去過既地方同冇見過既野呢？」

我：「即係得屋裏面既野先係由我們既記憶去複製？Suki頭痛係俾『佢』抽取記憶引起？」





「有好大機會係，如果可以再睇多間就好喇。」

Suki面色大變，一臉驚嚇：「如果係咁…」