軒:「暫時睇嚟,我地都差唔多到極限,再趕路太危險喇。Joe哥對手傷成咁,Kelly整親隻腳,你同Suki都攰啦,我都冇晒力喇,至少喺度住一日先啦。」

完全沒有提May姐呢,看來她已經是全民的公敵了。

「啪!」

Joe認真地舉起緊握的拳頭,發出「啪」的一聲。

「我哩啲小傷嚟,冇問題既。嚟幾多,我殺幾多。」





「喂!又嚟!放鬆番隻手啊!一陣爆傷口就慘喇,仲有啊,包得好辛苦㗎。」

「哈哈,唔好意思,下次唔會。」

軒:「唉,Joe哥你得啫,我地攰啊嘛。抖抖都得掛,再打落去,啊,唔係,應該係再行落去會死㗎。」

我:「唯有係咁啦。」

軒望着Suki:「咁而家又有個問題要解決喇。」





Suki:「咩問題?」

軒:「人手分配問題,訓邊既問題,食既問題,仲有好多好多。」

May:「咩人手分配啊,你都痴線。唔洗旨意點我做野啊!同你地一齊嚟到哩到已經累我唔少㗎喇!………」

軒:「啊。我就咁諗既,我地分三組,Joe哥得你先頂順佢,你同佢一組ok?」

Joe:「冇問題,我一個人都得。」





軒:「唔得!兩個人先有照應,如果你要去廁所點算?所以唔可以一個人!一定要兩個人!」

Joe:「咁好啦。」

May:「咩好啊,都話唔洗旨意點我做野……」

軒:「好,我地繼續,淨番我地四個,點分?」

嘩!和女神一組當然是最好的,但這是不可能的,常理推測最後應該是悲慘的男男和女女的配搭。

在May的煩音中,大家都沒有說話,因為一說話就成了下決定的人。下決定往往都是困難和沈重的,因為下每個決定都要負起相應的責任。

Suki:「軒,我同你一組啦。」

她竟然會這樣選擇?不選擇Kelly,亦不和我同組而和軒一起?這奇怪的決定令大家感到有點意外。





「…」

軒:「大家都唔反對?好,就咁決定啦。諾,你同Kelly一組。」

May:「我反對啊!」