【恐怖，懸疑】那天清晨: 第一四一話

「咩事？做乜個個都喺度鬼叫㗎。」

軒：「Joe，你唔係一直都開住人電話個cam嚟mon住下面吓。」

Joe：「係啊，做咩啊？」

軒：「電啊！部機啲電啊！keep住咁用，好快冇電㗎！冇電我地食得屎㗎喇！」

軒一手搶了電話查看，面色變得非常精彩，先青後紅再白，像聖誕燈飾一樣變幻無窮。





我：「點啊？」

軒：「屌，嚇得我丫，仲有99%，哩粒核電嚟㗎？不過都要慳啲洗。」

電話交回Joe的手中。

「ok，冇問題。」

Joe用那包紮得像豬手一樣的手勉強做出ok的手勢。





我：「你小心啲，一陣爆咗傷口，Kelly實話你。」

軒：「哈，你一定係想整爆個傷口，等女神幫你再包過啦。」

他說女神的時間特意望了我一眼，真的非常仆街！只可惜自己上次一時口快。

Joe：「其實嗰少少傷，洗乜包丫。」

「咔。」





終於Suki的房門打開，終結了這個結紮話題。

女神面紅紅地：「唔該晒啊。」

「傻啦，洗乜唔該丫，好彩…」

「喂啊…」

「哈，好彩我啲咖啡杯仲喺度，嚇死我啊，仲以為冇晒。哈哈。」

Suki雙手捧着一箱Starbuck咖啡杯，分別是香港、大阪、英國、巴黎等等各個不同的地方。

我：「嘩！咁多唔同地方，你空姐嚟㗎？」

Suki：「我都想啊，可以周圍飛，周圍玩，啲鬼仔又靚仔。咩喎，幻想下都得掛。算啦，仲諗住一陣沖啲靚咖啡俾你地飲㖭。你地緊係唔想飲喇。」





我們鄙視的目光把Suki從一眾鬼佬中救了出來，而她竟然以怨報恩，用咖啡來要脅我們。

在一眾「我要我要」的聲音中Suki拿着那包咖啡豆走進廚房。

Joe：「其實呢，我想問下，見到嗰隻鬼又點？我落去攪掂佢？」

拜託！那是「鬼」！不是蟑螂螞蟻之類的東西，他的膽也太大了吧。但為什麼突然會這樣問呢？

不會吧…