【恐怖，懸疑】那天清晨: 第一六四話

子朗說完後就像入睡了一樣，只是整個人仍然坐得筆直的。

其實這只是他身邊的人看到的畫面。

就讓我們看看，順便再聽聽子朗他看到和聽到的是什麼吧。

在一片漆黑中，突然一個又一個人突然出然。對，就是之前大型演講廳中出現過的人。

子朗：「對唔住…我地失敗喇，要求執行最後方案。」





偉：「最後方案？你知唔知道後果？會死人㗎！」

子朗：「就算會死人，我地都真係再冇辦法喇！我地都低估咗…低估咗人既潛力，亦高估咗我地可以掌握既。我地越去封鎖，『佢』就得到越多…冇辦法㗎喇…」

經過一連串商議和討論後…

華哥：「咁…好啦，20票贊成，5票反對，9票放棄，執行最後方案，你地準備啦。唉…」

一聲令下，眾人一個接一個消失，準備接着要面對的挑戰。只剩下一人未有去意。





見此，子朗只好硬着頭皮。

「Dr. Choi，對唔住，我地盡咗力㗎喇。妳都快啲準備啦。」

「對唔住有咩用啊！一開始我已經話太早，起碼要等多十年八載技術先成熟。咁危險既技術直情就唔應該開發！點解就係冇人聽！點解要提早執行！」

「唉…其實妳係知道點解，妳只係唔想去面對。我知你好朋友係其中一個，仲記得選中佢既時候妳都幾開心。」

一不小心，真話脫口而出，大檸樂！唯有立即扯！





扯開話題！

「唉…冇辦法啦，科技就好似毒品一樣會令人上癮，好奇心又好；想到達極限又好，總會有人去研究。所以就算我地唔做，一樣會有其他人做，就算唔俾人做，一樣會有人偷偷地做，根本就冇可能禁止得到，而家掌握喺我地手上可能係最好既結果。」

「我越嚟越覺得唔應該咁做…科技越進步，人類就越墜落。」

然後她也消失於一片黑暗之中，子朗望着她隱沒的位置，喃喃自語起來。

「核武，納米，AI，中子，DNA有幾多人類發明出嚟有能力毀滅人類，摧毀地球既科技？根本冇人可以阻止，所以話，未日時鐘又要再調快幾多分鐘？」

最後子朗亦憂愁地離去。