Kelly:「神將我地放係唔同既世界去做餌,去引啲怪出嚟,然後捉走佢。對佢嚟講回收怪係重點,所以頭先都係女怪傳送先,之後到最有價值既Joe。哩個亦係佢冇去救May既原因。」

軒:「有可能,我一直以嚟都一廂情願咁以為背後既神係全能,所以所有野都喺佢掌握之中,包括啲怪物。我冇諗過有哩個可能性㖭。但仲有其他可能性,亦有可能係神想測試同一個世界可以放啲乜野物種喺一齊,而隻女怪失控所以佢先中止咗。就好似我地都會將好多唔同既魚養埋喺一齊咁啦,熱鬧啲啊嘛。」

我:「哩個似啲喎,哩個世界係佢新造既,可能佢有能力複製物件,但冇能力創造生命,所以捉我地同其他怪物嚟?所以有哩幕人怪同存生死戰?」

軒:「唔係唔係,你以為創造生命好難?相反其實係好簡單,而家我地都已經可以用DNA複製生物,而遲啲就會有能力選擇基因,再多啲時間絕對可以創造新物種。照正路,只要佢造出最簡單既生命,再等一千幾百億年就可以有好多唔同物種同一個健康既生態。反而佢創造完世界一陣就捉我地嚟,關於時間既野又隱藏晒,所以佢捉我地嚟既關鍵更應該係佢冇時間。而家我地唯有希望神並唔想我地死啦。」

我們再沒有什麼有價值的想法,根本整件事越探索越迷離,我們始終也想不透為何神要捉我們和那些怪物來這褢,目的太難推測了。





時間一分一秒地過,軒掌心的數字已越來越小,已經到小於30了。

Kelly:「好啦,你地拎轉面。我要幫Suki換褲。」

女神真的如天使一樣,主動幫Suki換走那黃金褲,其實時間只剩下一點點,何不由她?

接着我們只能靜待傳送之時,軒寫下一些推測與想法留給Suki,以防只剩下她時,不能面對而崩潰。

而我則和Kelly靜靜地相靠而坐,但其實我感到女神的心臟正在狂跳…





和我一樣。