數佬失業備忘: 第一天

       今日係我失業既第一日，百無聊賴，宜家咪對住個MON打下字囉。哎呀! 唔記得介紹自己添，我姓谷，個名......都唔係好想提，唔知係未同父母前世有仇，居然改果咁既名俾我，係呀，你地冇估錯，我就係叫莫停，雖然都幾好聽，不過要做死一世呢，而且好命硬喎! 如果唔係點做死一世呀! 所以我決定破我自身命格，離開我唔記得做左幾多既年公司，休息一下。

       今日係第一日，我以為我訓醒會去食午飯，點知未到九點就俾屋企附近既地盤嘈醒左，唉! 想訓都訓唔到，係喇，唔記得同大家講，其實我住深水埗既，周圍既地盤不計其數，呢個號稱全港最貧窮既地區唔知點解日日都o係度製造全香港最昂貴既產物。所以我惟有落街食個早餐先算，點知就算o係全港最貧窮既地區食個早餐都要三十蚊，以前以為過左海先會咁貴，呢件事即刻觸動到數佬，最低工資真係連早餐都只係緊緊夠，如果做一個鐘頭野都食唔到一餐，一日要食三餐喎，咁我地就要至少用八份之三既人工黎食飯，再用至少一半既人工黎租房，咁剩低果八份一既人工可以過o的咩生活，真係不敢想像。

       其實呢個都稱唔上係咩故事，Anyway, 今日同大家講住咁多先，拜拜!

谷莫停
生命倒數XXXXX天