有一日同男友人X去聽一個講座,由於男友人W啱啱教完我數學,所以我就巡例問一句一唔一齊聽。

「好呀,我陣間都冇野做。」

嗯⋯⋯我又衰多口啦⋯⋯

「好⋯⋯我同我個FD講先。」

Okay呀。



我望住whatsapp上面呢個回覆,實在睇唔出背後有幾多酸醋味。

嗯⋯⋯應該冇事嘅⋯⋯

點知去到坐低,後尾黎嘅男友人X一臉殺氣,坐左係隔離。

嗰陣咁啱我個頭睇緊男友人W嘅電腦notes,成個身去左佢嗰邊。

嗯⋯⋯佢發生咩事?



「做咩呀?你個lab partner激親你?」

「唔係,唔關佢事。」

咁即係關我事?

後尾呢兩位男士互相認識,有講有笑,我仲以為冇事,點知原來⋯⋯

一切都只係假像。



之後有一次食飯,男友人W問我:「你同XXX(男友人X)點識架?」

大佬,chok料chok到呢⋯⋯可以再明顯d⋯⋯

之後每星期,男友人W都會約我打BALL,有一次男友人X就話成日有得打咁好嘅,我就話你都黎得嘅,不過我要問下男友人W先,個場係佢Book架。

男友人W:Okay呀。

有冇覺得呢個回覆又係要颱風來襲嘅前奏⋯⋯

我同你講,呢個只係戰爭前吹響嘅號角。

去到嗰日,男友人W同男友人X黎左場世紀大對決,好似殺父仇人咁不停打打打打打。

我坐埋一邊,放低副眼鏡,飲水,望天望地。



我D姊妹見到一定會叫佢兩個慳D力。

因為我一除低副眼鏡就成個半傷殘人士咁,咩都一片模糊。

所以咁出力做咩呢⋯⋯

呢場大戰最後由我出場打而暫時調停,當然事後我被男友人X不停問⋯⋯

「得閒我又要約你打BALL!」

「D場好難BOOK⋯⋯」

「你成日都去打BALL,唔洗理我架啦!」



⋯⋯

嗯⋯⋯我唯有一笑置之,始終我哋唔係咩男女朋友關係,我⋯⋯

我冇任何能夠安慰同俾安全感佢嘅立場,即使我被認為係渣、玩弄人心、遊戲人生都好⋯⋯

有D野一做左就無得返轉頭,而未來男友人X嘅一次邀約就令我深深體會呢個道理。

【一剎那令人無法控制,叫喜歡,一生裡令人回味無窮,叫戀愛。】
 
已有 0 人追稿