點解我會變左做靚女架？: 03-少女

咦？急尿。

入左廁格之後，我馬上拎起件衫，睇下自己既身體，發現有真正既乳房同女陰。

無奈之下，我只可以坐低小便。

去完洗手間，無幾耐就係探病時間。

「呀女，你無事啦？」呀媽終於黎到探我。



「媽呀，唔好玩啦，點解叫我做呀女既？」

「下？咩事呀？你係咪撞親個腦呀？呀女。」

我將銀包拎出黎，發現身份證上面既相真係女仔版既我，全名簡素清，無變，只係性別變左做女仔。

我打開手機，發現Whatsapp好多人關心我。

嘖，做女仔真係好，發生咩事都收到一百幾十個訊息。



但回想以前，我感冒病左既時候，一句take care都無收過。你話啦，男女幾唔公平？



咦咦？睇下，除左問我跌親有無事，原來仲有ｄ人向我表白。

我Whatsapp收到七個男仔既「I love you.」

但係另外有兩個男仔好似好認真咁同我表白。



第一個男仔叫Jayden，係我班上面首屈一指既靚仔，個樣仲有ｄ似彭于晏。

佢話：「簡素清，其實我鍾意左你好耐啦，只係一直唔敢講你聽。不過，由今日開始，我希望你可以成為我既女朋友，可以嗎？」

第二個男仔叫Carson，都係我地班既同學，個樣黑黑實實，仲有ｄ似游學修。

佢話：「呀清，我有一件事想同你講呀，其實你知唔知我鍾意你？哈哈，你可唔可以做我女朋友呀？我會對你好好嫁。」

一諗到兩個男仔向我表白，我就打左個冷震，因為我既靈魂仲係直男。

不過，我應該點樣回覆佢地好呢？我諗左一陣。

我諗左一陣之後，終於回覆佢地兩個：「我考慮下。」

不拒絕，又不置可否，進可攻退可守，同時吊住佢地兩個，真係高招，哈哈。



既然變成靚女，當然要試下收下兵啦。



訓左兩日醫院，完成左出院手續，醫生終於俾我回家睇「愛．回家」啦。

嘩，點解我間房會咁嫁？粉紅色既牆，貼滿J-Dragon既海報。

睇黎係呢個世界既我，係一個充滿少女心既韓飯。

咦？書台上面做咩有本粉紅色既筆記既？

我即刻打開黎睇，原來係日記，偷睇少女既日記真係好刺激。



最近既一頁寫住：「三月三十一日，晴，聽日就係每年一次既愚人節啦，唔知聽日會唔會有人向我表白呢？如果可以，我希望果個係Jayden。」

「Jayden真係好有型，又似彭于晏咁靚仔。雖然我已經暗戀左佢半年，但係我都希望佢可以做主動既角色啦。」

原來係咁，郎有情，妾有意。

如果今日唔係同我轉左靈魂，我諗呢個世界既我已經同Jayden一雙一對啦。

唉，諗起都真係毛管動。