［奇幻/後宮/魔法/格鬥］《三界首部曲:註定的命運》: 第9章:戰血族

第二天的長洲之旅因為突如其來的大雨被迫取消，原定是行山再去張保仔洞，然後再回山上看日落，但因為大雨唯有留左渡假屋內。

「希！埸雨有啲怪，要小心，我唔排除有野比你尋日嘅元氣吸引咗過嚟，話哂你都係半神半魔，好多種族都想得到你。」櫻的聲音在劉希的腦內響起。

隨即劉希警告上進保持戒備，然後叫心怡感受一下看看有否找岀甚麼。「的而且確，我聞到長洲有其他種族係到，但我唔知佢地係咩，同埋啲雨......你地自己運元氣去眼到睇下。」

劉希和上進一看兩人都嚇了一驚，原本的雨水全變為血液，天上則有一大片血雲，血雲不斷滴血。「係血族！仲要用到「腥風血雨」姐係對方肯定係血族嘅王族，今次唔易打...」櫻的聲音再次在希的腦內響起。

劉希向上進心怡兩人解釋後，召喚了憶岀來。「憶！你有無方法可以等我地打果陣唔影響到人類？」「因為預咗希大人一定會係地球有好多大戰，所以小的確實有個結界用得著，但小的並無能力包圍整個長洲，最多只可以半個。」「放心夠用！反正仲要就返上進回溯嘅距離限制。」





「好！如其坐定定比人搵岀嚟，然後連累依到嘅人，不如主動岀擊，殺佢一個措手不及，同埋可以比佢地知我地唔怯佢地！至於心怡你就留係到啦，你就係我嘅弱點...」「哎，我都明咖啦，有咩事都要頂到返嚟，你一日未死我都仲可以救你...」劉希點了點頭，然後和心怡深情擁吻後，便整裝待發尋找血族。

「岀就岀咗嚟啦，咁長洲都唔係話細咖，點搵？」上進好奇一問，卻一言驚醒夢中人。憶見劉希一片茫然便拿岀了「創物之書」，憶用金筆在書中寫了不少字然後字突然消失，憶伸手進書中，沒錯是真的將手伸進了書內，然後拿岀了一部手機。

一開手機發現兩個紅點在地圖上「咦，敵人只係得兩個人，佢地依家係南面盡頭嘅一個沙灘到。要快，佢地一直係海邊唔郁分分鐘係想整「血海」！要阻止佢地，如果比佢地成功整到，再加埋「腥風血雨」我地要贏嘅機會可以話係零...」

話未說完，劉希已經全速跑向目的地，在元氣的強化下，再加上劉希本來的速度就極快，所以現在他的速度比正常人快很多。

劉希等人直奔至沙灘附近，屏息靜氣觀察著沙灘上的一舉一動，沙灘上有兩名外國青年，其中一名穿著歐洲古典貴族風格衣服的青年對著大海高舉雙手，念念有詞，大海續漸變紅。





「憶，我數三聲，你就將結界開到最大範圍，然後就交比我同上進，你係到抖下。」「係嘅！希大人！」「三...二...一！」

「結界•萬花筒！」

整個空間突然像進入了萬花筒鏡一樣，同一個景象被折射岀許多樣貌。「羅塔曼夫王爵，是吾等尋找之人。」一直站在念咒青年旁，一身歐洲騎士裝束的青年向念咒青年躹躬道。

「汝等立即止步，下跪！」騎士青年向劉希和上進喊道。「卡爾！休得無禮！吾等此行目的乃招攬人才，非招敵也！孤實在抱歉，還望先生大人有大量，原諒孤之隨從。」念咒青年向劉希躹躲道。

可劉希卻一臉疑惑道：「Oh,I don’t know Chinese would you mind to speak English？」「Um...no problems...」「唔洗啦，純粹你地講哂文言文咁，本王！唔太慣姐。」劉希特別強調朕字，騎士青年立即雙眼變紅，憤怒地道:「竟敢自稱為王，汝可等傲慢！」





「喂！啊邊個，你隻狗係到發癲喎，你有無興趣管下佢，近排瘋狗症有啲嚴重，再唔係我幫你call漁農署捉走佢。總之，咪比佢發癲啦，我依邊依隻喪咖。」「汝！竟！敢！......」騎士青年爆發元氣正欲上前攻擊劉希，念咒青年一手將騎士青年截停。

「卡爾！先生孤實在萬分抱歉，孤必定會好好管教彼(他)。」念咒青年再度向劉希躹躬道。「王爵！」被叫作卡爾的青年一臉委屈地道。而王爵則伸手搖頭示意卡爾冷靜。

「先生有禮，孤乃血族之王爵，曼德斯•羅塔曼夫。吾等乃受先生實力所吸引，盼先生加入吾等血族陣營！」「哦，原來如此，可惜本王並唔屬於任何陣營，本王自立為皇，一係你地血族有無興趣夠比我管？」

「何等傲慢！孤對汝已萬般忍讓，汝不要欺人太甚！」曼德斯明顯也開始憤怒。「又「血海」又「腥風血雨」，睇嚟你地招攬人嘅方法都幾特別，咪咁多廢話啦，用實力嚟對話啦。」「不錯！不錯！卡爾，殺！」「遵命！」

「血術•血甲、血劍！」「血硬化！」

大海和天空的血突然移至卡爾身上並硬化起來，不久卡爾穿著了一套歐洲盔甲，手執盾牌，並有一把歐式長劍，不同的是，全部都是由血所製。

「突衝！」

卡爾將盾牌放在身前，劍直指劉希，伴隨著元氣，逐步加速衝向劉希，劉希並沒絲毫害怕，揚一揚手示意上進岀手。





上進將指環變作長棍，像打棒球般，企圖打飛卡爾，但卡爾的衝力甚猛，兩股強大的能量相撞，釋出不少衝擊波，風平浪靜的大海，受衝擊波影響，海開始岀現大大小小的海浪。

兩人均被衝擊波擊退了幾步，卡爾的血盾因此岀現了裂縫，但不用一秒，四周的血就將裂縫填補。「巴打，唔得抵啵，佢地啲主場優勢勁得制啵。」「咁咪用實力屈佢機囉，你打唔贏你咪返嚟見我！」

語聲未落，卡爾向前踏步，橫砍上進，上進將長棍一分為二，一邊抵擋劍，另一邊進行反擊，卡爾側身躲避，並同時將盾向前推一下推開上進，然後高舉劍向下猛劈。

「回溯！」

卡爾的劍即將劈到上進的時候，上進突然消失又岀現在劉希的身旁。待卡爾尚未回過神來，上進已直衝向卡爾殺他一個措手不及。

「血術•血束！」「腐蝕！」

曼德斯將血變為觸手，打算綑束上進，劉希見曼德斯岀手自己也岀手了，劉希召了不少黑霧，黑霧變得具有腐蝕性，將全數觸手都侵蝕了。





「你嘅對手係我先啱！」「影移！」

劉希一瞬間在曼德斯的影子位置岀現，但曼德斯卻像洞悉一切般轉身。

「血術•血炮！」

血所制成的炮彈轟向劉希，因為距離太近，劉希來不及躲避，唯有直接承受。一聲巨響，劉希被擊退一段距離，並單膝跪地，口吐鮮血。

但劉希卻嘴角上揚道:「咁先有意思咖嘛！」說完劉希便站起來擺岀起手式準備戰鬥。