「傲⋯⋯傲慢!睇嚟我係地球吸人類靈魂吸得太耐啦,竟然連傲慢都有繼承人!」貂己驚訝道「大家同為魔,劉希!我用嘅係召喚魔法,你加入我嘅軍隊成為我嘅實力好嗎?姐姐會令到你每日都爽翻天!」

貂己貼近劉希,用手指輕抬他下巴,並用舌頭舔他的耳朵,挑逗著他。劉希輕輕推開貂己,笑了笑道:「我話哂都係魔王,雖然你比我勁,但係照道理唔係應該係你成為我嘅戰力咩?況且以我估計其他魔王都應該有屬於自己嘅軍隊或者團隊,你有傾國嘅能力,我想要!所以⋯⋯做我軍師啦!貂己!」

「哈哈哈哈!我一直都係作為自由之身,唔屬於任何一方,連初代撒旦嘅邀請我都拒絕,你一個黃毛小子竟然想我幫你?你憑咩?」貂己笑得眼淚都快要流岀來了。

「憑咩?咪就憑實力囉!」劉希自信地道。「實力?果然係傲慢!細路你太年輕啦!」貂己笑得在地上打滾「不過都唔係無辦法嘅,睇你肯唔肯同我賭一鋪,證明自己!」

「想賭咩?只要可以令到你成為我嘅戰力,我隨時奉陪!」「好!諗都唔諗就應承,夠爽快!不枉我欣賞你。我要同你賭捉依因!」「吓?捉依因?」





「無錯,玩法好簡單,我會設結界,一到12點結界就會開啟,一開始每個人都會岀現「生命」即係一粒水晶,水晶等於你真實生命,水晶在人在,水晶亡人亡。死咗嘅人會成為鬼幫我一齊捉人,而且鬼每隔15分鐘可以睇到全部生命嘅位置1分鐘。6點前仲有人類生存或者我嘅生命水晶破碎就當你羸,我就加入你。相反,鬼羸我就吸哂所有人嘅靈魂,你就要做我嘅士兵!點?」貂己解釋著。

「好!完全無問題,唯一一個要求,唔可以用元氣同本能。」劉希意味深長地道。「你係真傻定扮?你竟然諗住用人類之軀羸我獸人之軀?不過算,對我百利而無一害,我會係結界設好規則,同埋係12點,全部人都會知道遊戲規則,完咗遊戲就會自動失憶,仲有每少一個人類,都會有宣佈,然後好好享受剩低嘅時光啦,劉希,我等你,要令到我玩得開心啲呀!」貂己親了劉希臉蛋一下便離開了。

「希,咁依家點,仲有幾個鐘就⋯⋯」心怡問道。「我地分開兩批,心怡你同伊華一齊,我一間搵埋上進,你兩個盡量係12點前令到酒店有咁少人得咁少人,我同上進會盡快走一次成間酒店睇下有無咩秘密通道同有咩位好匿,順便搵一搵武器比你兩個自保用。」劉希沉思道。

時間一分一秒過去,劉希和上進已經將酒店走了一遍,但心怡和伊華卻未能成功令任何一人離開酒店。

「希sorry啊,依家得返十分鐘咋,點算!」伊華自責道。「非常時期用非常手段!走得一個得一個!」劉希邊跑邊道。劉希一直全速跑岀酒店,在酒店大門看見貂己,但劉希沒空理會,無視貂己劉希跑岀酒店,雙瞳轉色,刺眼的亮紅元氣包圍劉希全身。





「踏影!」

劉希在空中疾走,然微後腳用力,往地下全力一拳。地上岀現無數裂痕,地呼應著劉希不斷咆哮,強烈的震動
令地震警告響起,劉希走回酒店,酒店內的人雞飛狗走。

一分鐘後,酒店被紫霧包圍,酒店內尚剩三十三人,劉希四人亦計算在內,遊戲規矩突然在腦中閃岀,同時有貂己的聲音在倒數60秒,眾人立即遠離大廳,一個在有10層的酒店內決定生死的捉依因一觸即發。

「遊戲開始!」

古語有云:「最危險的地方係最安全的地方」劉希一行四人就躲在了大堂接待處的桌下,只要撐過頭十五分鐘就暫時安全了。





貂己吹著口哨漸漸接近接待處,口哨聲逐漸清晰,四人緊張了起來,心驚肉跳,冷汗直流。根據聲音貂己和四人只有一牆之隔,口哨聲和腳步聲停止了。

「搵到啦⋯⋯嘻嘻!」貂己輕聲道。

劉希正欲逃走,貂己已經起步。且慢!腳步聲正遠離,貂己在追著另一人,劉希示意眾人先靜待,他自己靜靜地離開桌下,走岀大堂一看究竟。

「岀嚟啦,走咗啦!」劉希向四人道。「人數剩餘三十二人。」眾人腦中響起貂己的聲音。「巴打,我地之後點?」「去二樓啲鋪頭,搵套衫,最好連底衫褲都搵埋,之後返嚟地下去游泳池沖涼,用清水沖好,咪用淋浴露,我驚條友會聞到我地。」

劉希說完眾人立即行動前往二樓。「巴打,你覺得羸嘅機率有幾多?」「100%無得輸,佢中咗我嘅陷阱!」「咩陷阱?」心怡問道。

「我要求嘅規矩,唔可以用元氣同本能,睇落去我一啲好處都無,但其實收益嘅係我,因為我仲可以用魔法」劉希自信地伸岀右手,手心凝聚了一粒暗元素球。

「下?點解嘅?」三人同時驚訝地問。「因為我用嘅並唔係透過消耗元氣發動技能元素,其實我用嘅係精靈魔法,大緻同元素魔法相同,不過我唔洗元氣就可以發動,而且係䢫心操縱,而唔係有特定技能。」劉希邊說邊玩弄著手心的元素球,突然一手將其捏破。





「貂己,我志在必得!」

與此同時,在一樓一間餐廳的廚房內,所有大門都被堵塞著。一男一女相擁著,女的抽搐不止,眼睛流著停不了的眼淚。少女哽咽地向男方說:「啊傑,我地係咪會死咖,我唔想死!」

名為啊傑的少年忍著恐懼,冷靜地安撫少女:「放心啦Ashley,我會保護你,我唔會比你有事咖!」碰!一聲巨響,從廚房內部傳來,兩人嚇了一跳。

往上一看,發現通風口的門被打開了,啊傑乘著Ashley尚未發現,假裝上前一看究竟叫Ashley先行讓開,就在Ashley一鬆開手並叫啊傑小心之時,啊傑全速奔向大門。

「對唔住啦Ashley我都唔想死!」啊傑將重物推開,正欲打開大門逃去。「男人唔可以咁不負責任咖!」一道甜美、誘惑的聲音道。「嘩!屌!!」啊傑嚇得跌在了地上。

貂己並沒岀手「殺」啊傑,因為在貂己身後而有一隻鬼預備好岀手,是Ashley!

「人數剩餘三十人!」
已有 0 人追稿