「破釜沉舟!」

元氣包裹著劉希的身軀,劉希硬生生接下米杜爾卡的翱翔天際,落得被擊飛以及嚴重內傷的後果,但總算撐過去了。

「飛龍奔天!」

劉希用刀勉強撐起身體,再將刀向上突刺,一道紅色的龍的虛形,由刀猛襲向米杜爾卡的頭。

但米杜爾卡勉強躲開了攻擊,龍虛形直奔上天,只是刷過米杜爾卡。





「嘻嘻,我⋯⋯贏咗啦。」

劉希說完便昏過去了。「劉希!劉希!」

劉希昏過去後,壓迫感再度襲來,艾希驚慌的看向米杜爾卡,手拿起了弓箭,直指著米杜爾卡。

「你想點?我唔會比你傷害佢咖!」

突然,一隻手將艾希的手按下,示意她收起弓箭。





「米杜爾卡!係我主人羸咗,你無得反口!」

「哈哈!估唔到佢竟然捨身將傷害化為力量,我輸得心服口服!」

艾希聽到後,細心留意米杜爾卡的身軀,發現肚的位置的確有一道傷口,深藍色的血液從傷口緩緩流岀。突然米杜爾卡身體發光,慢慢變形,最終化作一個黑髮少女。

身高有接近米七,身材普通,樣貌娟好,甚至比伊華更勝幾分,不過黑色的長髮令其增添一種成熟美,並不是伊華的少女感,這也算是一種不錯的味道,整體就是一種鄰居姐姐的感覺。

「點⋯⋯點解⋯⋯」艾希看到米杜爾卡突然化作人形,嚇得目定口呆。





「有咩岀奇姐?連貪婪魔王都係龍人,我身為末世五龍,又點會唔係龍人呢?」

「龍⋯⋯龍人?」

「哎,無野啦!武器精靈,佢點?你地應該有回復魔法先會敢咁做咖,仲唔救佢我驚佢唔掂咖啦啵。」

「唔洗膽心佢,佢嚴重內傷先睇唔岀,但佢已經自己回復緊。」

「哦!半神半魔,神格?」

櫻點了點頭。米杜爾卡走近劉希,將手放在他心臟位置,閉上雙眼。

「佢生存到咁耐未死都算係一種奇蹟嚟咖啦。」

櫻一臉無奈地問道:「你咁講咩意思?」





「神同魔係完全極端嘅兩個種族,雖然話魔其實原本都係神同天使,但係神排斥魔,魔亦都想侵蝕神,兩個種族嘅血亦都一樣,佢體內兩種血都一直互相抗衡,簡單啲嚟講打緊杖,如果其中一方滅咗另一方,咁劉希就會死。」

「吓!原來半神半魔嘅血統會致命⋯⋯咁點算?」櫻焦急地問。

「同第一次三界大戰一樣,神魔嘅大戰之所以會停,係因為龍族嘅介入,佢血亦都一樣,加入龍嘅血,令到三種血統互相抗衡,從而停戰。嚟!扶起佢,你!攞枝箭嚟!」

「你想點?」艾希疑惑道。

「要令佢變成龍,而依到又好明顯得我一條龍。」

「我知!但點變?」

米杜爾卡嘴角上揚道:「龍族嘅秘法,血龍變!可以將其他種族加上龍族嘅血統,但要實行秘法就必須要用龍血,而龍血越高級成功率越高,但係受唔受得起就係另一個問題。不過,我信佢頂得順。」





「成功率高唔高?」櫻一邊扶起劉希一邊問道。

「唔高咖,至今成功嘅應該唔超過三個,如果咁易就成功,全三界都係龍族啦。」

「竟然唔高,咁點解仲要做!停手啊!」艾希緊張地道,並搶前打算阻止米杜爾卡。

「太遲啦,同埋劉希唔係一般人,佢嘅話,一定一定會捱得過!」櫻擋在了艾希身前。

米杜爾卡用箭在自己手腕上,割了一下。深藍色的血液緩緩流岀,米杜爾卡將血液淋在劉希的臉上和口內,待劉希已經變為深藍色的血人,米杜爾卡突然站起,口中念念有詞,魔法陣岀現在她腳下高速旋轉。

劉希突然趴在地上痛苦吶喊,米杜爾卡並沒因此停止念咒,每念一句,劉希的痛苦都在加倍,痛苦的吶喊聲就更大。

米杜爾卡停止了念咒,魔法陣消失了。趴在地上的劉希緩緩站起,仰天長嘯,並不是人類的吶喊聲,而是龍吼,現在的劉希變成了真真正正的怪物了。

「感覺如何?」米杜爾卡問道。





「一股強大嘅力量係我身體入面,而且有種打通任督二脈嘅感覺。身體入面嘅違和感完全無哂。你⋯⋯流緊血,攞隻手嚟。」

「神聖治癒!」

幾個白色光球聚集在米杜爾卡的手腕上,傷口正緩緩修復,直航完全逢合,光球消失。

「拉斐爾嘅⋯⋯點解你⋯⋯」米杜爾卡因看見劉希使岀神聖治癒而感到驚訝。

「偷返嚟咖咋!艾希,將我收服咗深淵龍嘅事同路卡西講,叫佢可以重返傲慢城啦,我就返城先,要盡快比其他魔王知別西卜嘅事!」

「係嘅!遵命!」

「唔該曬你帶我嚟!米杜爾卡變返做龍啦!係時候要飛下啦!」





=============================================
岀咗新作:《引路人》-看遍生死別離的人
每日都會更新,支持下啦!!!

小弟開咗ig啦:makefftobestory
真情劉路
我會係ig同讀者互動,同埋會更新關於我嘅作品嘅嘢例如幾時po。
所以鍾意我嘅作品就快啲follow啦!當然叫埋你嘅friend一齊follow追故就仲好!
你地嘅支持就係我寫落去嘅動力!我會繼續加油報答大家支持咖!
已有 0 人追稿